Te Kaotioti 7:9 - Te B'aib'ara

⁹ I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;

Te Kaotioti 7:9 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Taian Areru 2:8

Ko na butiai i bukiia botannaomata ni kabaneia i aonnaba, ao N na anganiko ni kabaneia.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 76:4

Te Atua, ai mimitong ra Ngkoe! Ai kantara Ngkoe ngkai Ko oki man te maunga are Ko kataenikaia iai taan ribaiko.

Taian Areru 77:2

I tataro nakon te UEA n tain te kaangaanga; I tabeki baiu n tataro n te tairiki koraki, ma e aki reke kabebeteau.

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Etekiera 47:5

E manga katika riki 500 te miita n ira rikaaki te raanga n ran, ao e a roko te raanga n ran n te karaanga ae e konaa te aomata n ri nanona n uaua.

Taniera 4:1

Ao aikai ana taeka te uea are Nebukaneta are e kanakoa nakoia botannaomata nako, ma reeti nako, ma taetae nako n te aonnaba: “Kam na mauri!”

Taniera 6:25

Ao e koroboki te uea are Taraiati nakoia botannaomata nako, reeti, ao taetae nako n te aonnaba ni kaangai: “Kam na mauri!

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Nakoaia Ibonga 23:40

Anai moan uaan arokami ao koroi m'aangana akana a bati baana ni kabonganai n tain te runga ni kukurei aei i bukin karineau.

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Ruka 12:1

Ao ngkekei naba, ngke a botaki aomata aika rangi ni m'aiti n te aro are a rangi n i rib'arib'a, ao E taku Iesu nakoia moa ana reirei: Kawakiningkami man aia iiti B'aritaio are te m'am'ana-te-aba.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ioane 12:13

A anai baanikaai aika aroni baan te ni, ao a nako ni butim'aia, ao a takarua ni kaangai, “E na neboaki te Atua! E na kakab'aiaki Teuae nakomai n aran te Atua. E na kakab'aiaki aia Uea Iteraera!”

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Ebeto 6:13

Ma ngaia ae kam na karini b'aini kamanoan rab'atami ake mairoun te Atua, b'a kam aonga ni kona n tei ni kaitaraia n te bong ae buakaka; ao ngkana kam a tia ni karaoi b'aai ni kabane, ao kam na bon aki konaaki.

Ebera 11:12

ma ngaia are a riki mairoun ae ti temanna ae kanga ae mate, kanoana aika ai aroni m'aitin itoini karawa, ao ai aron te tano ae i aon te bike, ae e aki konaki ni warekaki.

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 22:3

Ao akea ae reke kaina ae na manga noraki n te kaawa arei; ao e na mena iai ana kaintokanuea te Atua ma te Tiibuteteei, ao ana toro te Atua a na taromauria.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 5:11

Ao I taratara nako ao I ongo b'anaaia anera aika bati aika katobibia te kaintokanuea ma b'anaaia baike a maiu ma unimm'aane; ao m'aitin te koraki arei tebubua te mirion ao nga ma nga;

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 6:11

Ao a bane n anganaki kunnikai aika m'arairai aika mainaina; ao a tuangaki b'a a na motirawa ni katoki kuaia ni kamaniia teutana, ni karokoa ae e koro raoi m'aitiia raoia n toro ma tariia ake a nang kamateaki n ai aroia naba.

Te Kaotioti 7:8

Tebwi ma uoua tengaa mai buakon te baronga are Teburun; Tebwi ma uoua tengaa mai buakon te baronga are Ioteb'a. A kanikinaeaki tebwi ma uoua tengaa mai buakon te baronga are Beniamin.