Te Kaotioti 7:3 - Te B'aib'ara

³ Ao e kaangai, “Kam na tai b'ainikirina aonnaba ma karawa, ma kaai, ni karokoa ae ti kanikinaeia moa ana toro Atuara i aon ram'aia.”

Te Kaotioti 7:3 ပူးပေါင်းရင်းမြစ်များ

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Itaia 65:8

Aio te b'ai are e taekinna te UEA: boota ni kureebe ae a kaotinakoa te wain a bongana kawakinaia Ma, i bukimi aika au toro, N na bon aki ekaanako temanna.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Etekiera 9:6

Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Taniera 3:26

Ao e m'ananga Nebukaneta nako rarikin te ai ao e takaarua ni kaangai, “Tiateraka, Metiaka ao Abeteneko aika Ana toro te Atua ae moan te m'aaka! Otinako.” Ao a otinako naba n te tai arei.

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Mataio 24:22

Ao ngke arona b'a a aki kakimototoaki boong akanne, ao bon akea te aomata ae na maiu; ma a kakimototoaki i bukiia ana aomata te Atua ake E a tia n rineia.

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

I-Rom 6:22

Ma ngkai kam kainaomataki man te bure, ao kam riki b'a ana toro te Atua, ao iai mwina nakoimi b'a te riki b'a ana aomata ni koaua te Atua, ao tokina b'a te maiu are aki toki.

Te Kaotioti 13:16

Ao e karaoa ae a na bane aomata ake a mangori ma ake a kakannato, ake a kaub'ai ma ake a aki kaub'ai, ake a inaomata ma ake tooro, b'a a na kanikinaeaki i aoni baiia ake ataiia ke i aon ram'aia.

Te Kaotioti 13:17

Ao akea temanna ae kona ni bob'ai ke ni kabob'ai, b'a ti ane iai i rouna te kanikina, ae aran te man arei, ke te ware are tei i bukin arana.

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 14:9

Ao te anera riki temanna ae te kateniman, e ri mwin are te kauoman, ao e kaangai n te b'ana ae korakora, “Ngkana e taromauriaki te man arei ma te bouananti are katotongana iroun te aomata temanna, ao ngkana e kanikinaeaki te aomata anne i aon ram'ana ke i aoni baina,

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

Te Kaotioti 22:4

A na nora matana, ao E na koreaki arana i aon ram'aia.

Te Kaotioti 6:6

Ao I ongo te bae kanga ai aron te b'anaa mai buakoia baike a maiu ake aman b'a e kaangai, “Boon uoua te rawawata n uita teuana te tenari, ao onoua te rawawata ni b'are teuana te tenari; ao ko na tai b'ainikirina te b'a ma te wain!”

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.