Te Kaotioti 7:2 - Te B'aib'ara

² Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

Te Kaotioti 7:2 ပူးပေါင်းရင်းမြစ်များ

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

Ana Anene Toromon 8:6

Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 26:63

Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

I-Ebeto 1:13

Ao ngkami naba, ngke kam ongo taekan te koaua, are te euangkerio are b'aini kamaiuami, ao kam onimakinna naba; ao kam anganaki te Tamnei are Raoiroi b'a kanikinaean ae ana b'ai te Atua ngkami, te Tamnei aei are atongaki n te taeka n akoi.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 5:26

Iai aika a tia n ongo b'anaan te Atua ni koaua man te ai n ai arora? Ao ngkana a tia, a kona n teimatoa ni maiu ma n tataekinna?

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Te Kaotioti 1:3

E a kab'aia ane wareki taeka ni burabeti aikai, ao a kab'aia naba akana ongo, akana kawakini baika koreaki i nanon te boki aio; b'a e a kaan te tai are a na riki iai baikai.

Te Kaotioti 10:1

Ao I nora te anera temanna ae korakora b'a e ruo mai karawa. E kunnikaiaki n te nang, ao Nei Wirara i aon atuna; ao ubuna ai aron taai, ao rangana ai aron tein taraan te ai ae tei b'a kanga te boua.

Te Kaotioti 10:4

Ao N nang koroboki ngke a kaeka baa ake itiua, ma I a ongo naba te b'anaa mai karawa ae kaangai, “Ko na kawakin ni kanikinaei b'a a na aki kakaotaki baike a a tia n taekini baa ake itiua, ao ko na tai koroi.”

Te Kaotioti 16:12

Ao te anera are te kaonoman e kab'aroa kanoan ana boora i nanon te karaanga are ab'ab'aki are te Iuberetiti; ao e oora n akea ranna, b'a e aonga ni katauraoaki kawaia uea ake mai mainiku.

Te Kaotioti 5:2

Ao I nora te anera ae korakora ae taetae n te b'anaa ae korakora ni kaangai, “Antai ae riai ni kauka te nira ni boki ma ni kaaki b'aini kanim'ana ake kanikina?”

Te Kaotioti 8:3

Ao e roko te anera temanna, ao e tei i rarikin te baonikarea, ao iai i rouna te baan ae te koora ae te baan i bukini kabuokani karea aika boiarara; ao e anganaki karea aika boiarara aika bati, b'a e na uaia ni kaaki ma aia tataro ake a itiaki ni kabaneia i aon te baonikarea are te koora are i nanoaan te kaintokanuea.

Te Kaotioti 9:14

ngke e kaangai nakon te anera are te kaonoman are iai i rouna te bu, “Ko na kab'araia anera ake aman ake a kabaeaki i rarikin te karaanga are ab'ab'aki are Iuberetiti.”

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!