Te Kaotioti 7:17 - Te B'aib'ara

¹⁷ ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”

Te Kaotioti 7:17 ပူးပေါင်းရင်းမြစ်များ

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 30:25

Ane a na tiringaki aomata ma n uruakaki taian taua n te bong arei, ma a na raanga taian karaanga n ran man taian tabuki ao maunga aika a rietaata.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 60:20

E na aki manga bung ami taai ke ni bung ami nam'akaina. N na riki Ngai ae te UEA b'a ami oota ae akea tokina, ao a na toki ami bong n nanokawaki.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

Mataio 5:4

A a kab'aia akana nanokawaki, b'a a na kabebeteaki nanoia.

Ioane 10:11

Ngai te tia kawakin tiibu ae e raoiroi. E anga maiuna te tia kawakin tiibu ae e raoiroi i bukiia tiibu.

Ioane 10:14

Ngai te tia kawakin tiibu ae e raoiroi; ao I ataiia au tiibu, ao a atai au tiibu,

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:11

E taku neierei nakoina, “Teuaei, akea am b'ai n iti ran, ao e nano te m'anib'a; ko karekea maia ngkanne te ran ni kamaiu?

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

Te Kaotioti 21:22

Akea te Tembora teuana ae I noria n te kaawa; b'a te Tembora iai bon te Uea are te Atua are Moan te M'aaka, ma te Tiibuteteei.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.