Te Kaotioti 7:16 - Te B'aib'ara

¹⁶ Ane a na aki manga baki, ao a na aki manga taka; ao e na aki manga riringa taai i aoia, ao a na aki rotaki ni kabuebuena;

Te Kaotioti 7:16 ပူးပေါင်းရင်းမြစ်များ

Taian Areru 121:5

E na kakawakiniko te UEA; E na memena i rarikim ao ni kataniko man riringan taai.

Taian Areru 121:6

Akea te bae ko na ikoaki iai man taai n te ngaina, ao man nam'akaina n te bong.

Taian Areru 143:6

I tabeki rake baiu n tataro nakoim; e kai nanou n tangiram, kanga ai aron te tano ae m'auteretere ni kainanoa te ran.

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Ana Anene Toromon 1:6

Ko na tai karekea taarau i bukina ngkai e b'atab'ata kuniu b'a mwiin aan te riringa. A un irou tariu; ao a kam'akurai n te nnenaroka ni kureebe, ai ngaia are I a aki tabe ma ribau.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Iona 4:8

I mwiin otin taai ao te Atua E kanakoa te ang mainiku ae e kabuebue, ao e rootaki Iona ao e kuri n tong ni kabuebuen taai ngke e b'akaria. Ma ngaia are, e bon bubuti bon i bukina b'a e na mate, ao e kaangai, “E raoiroi riki mateu nakon maiu.”

Mataio 13:21

ma akea wakaana i nanona, ao e aki tiku ni maan; ao ngkana e roko te kanganga ke te b'ainikirinaki i bukin ana taeka te Atua, ao e a b'aka naba.

Mataio 13:6

ma ngke e kabo rake taai, ao a urarake; a mate i bukina ngke a aki roro nako wakaaia.

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Mareko 4:17

Ma te taeka aei, e aki tiku ni maan i nanoia, b'a e aki matoatoa i nanoia. Ma ngaia are ngkana e roko te kanganga ke te b'ainikirinaki i bukin ana taeka te Atua, ao a b'aka naba.

Mareko 4:6

Ao ngke e kabo rake taai, ao e a kaurarakei aroka aikai. A mate i bukina ngke a aki nene wakaaia b'a e manii te tano.

Ruka 1:53

E katoki nanoia akana aki kaub'ai ni baika raraoi, ao E kanakoia akana kaub'ai n aki kab'aib'aia.

Ruka 6:21

Kam a kab'aia ngkami akana kam baki ngkai, b'a ane kam na nuai. Kam a kab'aia ngkami akana kam tanginiwenei ngkai, b'a ane kam na ngarengare!

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Iakobo 1:11

B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”