Te Kaotioti 7:11 - Te B'aib'ara

¹¹ Ao a bane anera n tei ni katobibia te kaintokanuea ma unimm'aane ma baike a maiu ake aman, ao a katorobubua ni bobaraaki i nanoaan te kaintokanuea, ao a taromauria te Atua,

Te Kaotioti 7:11 ပူးပေါင်းရင်းမြစ်များ

Taian Areru 45:11

E na tangiriko te uea i bukin tamaroam; am mataniwi ngaia, ma ngaia ae ko riai n ongeaba i rouna.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ebera 1:6

Ma ngke E nang kanakoa ana moa n Nati te Atua nako aon te aba, ao E kangai, “Ao a bane ana anera te Atua n taromauria.”

Te Kaotioti 11:16

Ao unimm'aane ake uangaun ma aman, ake a tekateka i aon aia kaintokanuea i matan te Atua, a katorobubua ni bobaraaki ao a taromauria te Atua,

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 22:9

Ao e taku nako iu, “Tarataraiko b'a ko na aki taromauriai; bon raom n toro ngai, ao raoia n toro tarim ake burabeti, ma ake a ongeaba nakon taeka aika n te boki aei. Ko na taromauria te Atua.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 4:6

Ao i nanoaan naba te kaintokanuea e mena naba iai te b'ai ae kanga ai aron taraani marawa ae te kiraati ae ai aron taraan te atibu are te kurititaro; ao i rarikin te kaintokanuea ni katobibia a mena iai baika maiu aika aman aika buta rab'ataia ni maata mai moaia ao mai akuiia.

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”