Te Kaotioti 7:1 - Te B'aib'ara

¹ Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.

Te Kaotioti 7:1 ပူးပေါင်းရင်းမြစ်များ

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 27:3

N na kaawakinna Ngai ae te UEA ma n tebotebokia n taai nako. N na teiakinna n te ngaina ma te bong ma ni kaawakinna ma taiani kabuanib'ai.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Ieremia 49:36

A na buaka kairiribai man taabo nako, ao kam na kairaki nako b'a taenikai nako ia botannaomatan te aonnaba.

Etekiera 37:9

Ao i mwiina, E taku te UEA: Etekiera, ko na kaangai ngkai nakon te ang, “E tuangko te UEA b'a ko na uki man taabo nako ao ko na uka te ikeike ni maiu nakon taian rab'ata aika a mate aikai, b'a aonga ni manga maiu.”

Etekiera 7:2

Etekiera ae natin te aomata, tuangiia Iteraera te b'ai ae I tuangko ni kaangai: E na waekoa n roko tokin Iteraera! E nang uruaki abami

Taniera 11:4

Ma e na uruaki ana tautaeka i bukin korakoran m'aakana, ao e na tib'aaki nakon aua te m'akoro. A na uea n onea mwiina n tautaeka n te bareti uea aika tiaki kanoana, ma a na bon aki roota aron korakorana.

Taniera 7:2

te b'ai are I nooria n te tairiki anne: E kare te ang n akea unna, ao e kabuakaa nanoni marawa.

Taniera 8:8

Ao e rikirake ni kamoamoa te kooti arei, ao e a uruaki korona i bukini korakoran m'aakana. Ao a manga kaoti aua te koro aika a teretere raoi n onea mwiina, ao a kotoi taabo aika a kakaokoro n tatabeua nako.

Iona 1:4

Ao te UEA, E kabuakaa marawa n te ang ao e korakora, ao e a kan uruaki te kaibuke ni korakoran te buaka.

Tekaria 6:1

Ao n tokina, I a tara rake ao I noori aua kaa ni buaka aika a roko mai marenan taian maunga aika uoua aika taian buraonti.

Tekaria 6:5

Ao e a kab'arab'ara ni kaangai, “Bon aang aika aua mai karawa, ao ngkai a nang oti nako, i mwiin rokoia nakon UEAN aonnaba ni kabane.

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Mareko 13:27

Ane E na kanakoia anera nakon iteran aonnaba ake aua, b'a a na botiia ana aomata te Atua mai tabon aonnaba are teuana ao mai tabona are teuana.

Te Kaotioti 20:8

ao e na nako ni m'am'anaia botannaomata nako ake a mena i aon aaba ni kabane, ake botannaomata ake Koka ma Makoka E na botiia i bukin te buaka; ao m'aitiia ai aroni m'aitin tanon te bike.

Te Kaotioti 6:6

Ao I ongo te bae kanga ai aron te b'anaa mai buakoia baike a maiu ake aman b'a e kaangai, “Boon uoua te rawawata n uita teuana te tenari, ao onoua te rawawata ni b'are teuana te tenari; ao ko na tai b'ainikirina te b'a ma te wain!”

Te Kaotioti 7:3

Ao e kaangai, “Kam na tai b'ainikirina aonnaba ma karawa, ma kaai, ni karokoa ae ti kanikinaeia moa ana toro Atuara i aon ram'aia.”

Te Kaotioti 8:7

Ngke e katanga ana bu te moa n anera, ao te karau ae matoatoa ae te aiti, ma te ai, aika renganaki n te raraa, a teweaki nako aon te aba; ao e kabuokaki kateni-m'akoron aonnaba, ao a kabuokaki kateni-m'akoroni m'aitini kaai, ao e bane ni kabuokaki te uteute ae mawaawa.

Te Kaotioti 9:14

ngke e kaangai nakon te anera are te kaonoman are iai i rouna te bu, “Ko na kab'araia anera ake aman ake a kabaeaki i rarikin te karaanga are ab'ab'aki are Iuberetiti.”

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.