Te Kaotioti 6:2 - Te B'aib'ara

² Ao I taratara nako, ao noria, te aoti ae mainaina! Ao teuare toka i aona iai te kai ni katebe i rouna. Ao e anganaki te baunuea; ao e tokara ana aoti n nako b'a ai aron te tia buaka ae tokanikai.

Te Kaotioti 6:2 ပူးပေါင်းရင်းမြစ်များ

Taian Areru 110:2

Ane E na karababaa nako m'aakam n uea te UEA mai Tion. Ko na tautaeka i aoia am Kairiribai.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

1.I-Korinto 15:25

B'a E riai n uea Kristo ni karokoa te tai are E kabaneia iai ni kakiia ana kairiribai i aani waena.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 14:14

Ao I taratara nako, ao noria, te nang ae mainaina! E tekateka temanna i aon te nang arei, ao te aomata arei ai aron Natin te Aomata, ao iai te baunuea ae te koora i aon atuna, ao iai te biti ni koro uita ae kakang i nanoni baina.

Te Kaotioti 15:2

Ao I nora te b'ai ae kanga ai aroni marawa ae te kiraati ae renganaki n te ai; ao I nooriia naba ake a tokanikai i aon te man arei, ma te bouananti are katotongana, ao i aon naba are e tei te ware i bukin arana, b'a a tei i aoni marawa are te kiraati, n tau aabi ake mairoun te Atua.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:14

Ao a iria n ri mwina taanga ni buaka ake i karawa i aoia aoti aika mainaina, ao a kunnikaiaki n te rinen ae e raoiroi ae mainaina ae itiaki.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 9:7

Rokati akekei kanga ai aroia aoti ake a tauraoi nakon te buaka: a toka i aon atuia baika kanga ai aroni baunuea aika koora, ao ubuia ai aron taraan ubuia aomata;