Te Kaotioti 6:17 - Te B'aib'ara

¹⁷ B'a e a roko te bong are kakamaaku are bongin unna, ao ai antai ae kona n tei i m'aina?”

Te Kaotioti 6:17 ပူးပေါင်းရင်းမြစ်များ

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ieremia 30:7

Au aomata, e na rangi ni korakora riki marakimi nakon are mai i m'aaina n te tai ae e aki maan mangkai, ma N na kamaiungkami.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Iuta 1:6

Ao anera ake a aki rauaki ni neia ni m'aka are a katauaki iai ma a kitan oini mwengaia, a kawakinaki i Rouna ni kabaeaki n taurekereke aika akea tokiia n te tabo ae rotongitong i m'ain te motiki-taeka n te bong are kakannato;

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

1.Tamuera 6:20

ao a taku, “Bon akea riki te Atua ae ai aron ara UEA! Antai ae kona ni maiu ngkana e kaaniia? Ti na riai n kanakoa te Atiniberita mai ikai. Ma ti nang kanakoa nakea?”

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 110:5

E mena te Uea i angaataim, ngkana E un, ao E na katae aia kai uea.

Itaia 63:4

I karaoa aei i bukina b'a I irantaanga e a roko te tai i bukin kamaiuaia au aomata.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.