Te Kaotioti 6:13 - Te B'aib'ara

¹³ a b'aka i aontano itoini karawa, n ai aron te biku ngkana e kab'akai uaana aika tuai n tawaa, ngkana e ioioaki n te ang ae korakora.

Te Kaotioti 6:13 ပူးပေါင်းရင်းမြစ်များ

Iobi 15:33

Ane e na kamrarai uaana aika raraitaai n ai aron te kureebe, ao e na tetewenakoi ueena n ai aron te kai te oriwa.

Itaia 13:10

E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 34:4

A na mauna nako taian itoi n tatabeua nako ao e na rukumaki karawa kaanga te niira ni boki. A na m'au ao n rai b'ai ni karawa kaanga baan te oriwa aika a rai ke taian uanikai i aon te aroka.

Itaia 7:2

Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Etekiera 32:7

N na kaona karawa ni kabutaa ma taian itoi n taian nang aika a matenten, b'a a aonga n toki ootan taai ma nam'akaina.

Taniera 4:14

Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Taniera 8:10

E boni korakora n te aro are e kona ni kaaitaraa te taanga ni buaka mai karawa, ma taiani itoi, ao e kab'akaia tabem'aang nako aontano ao e toubekaia.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Naum 3:12

A na riki nonom nako b'a kaanga kaai aika biiku aika a tawaa uaaia. A na ioaki biiku, ao a na b'aka uaaia nako nanon wiim!

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mareko 13:25

ao e na akea ootan nam'akaina, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Ruka 21:25

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao.

Te Kaotioti 9:1

Ao te anera are te kaniman e katanga ana bu, ao I nora te itoi ae b'aka mai karawa nako aon te aba; ao e anganaki kingini bonotani matan te b'angab'anga are ruo ri kaaki nako Abuto.