Te Kaotioti 6:11 - Te B'aib'ara

¹¹ Ao a bane n anganaki kunnikai aika m'arairai aika mainaina; ao a tuangaki b'a a na motirawa ni katoki kuaia ni kamaniia teutana, ni karokoa ae e koro raoi m'aitiia raoia n toro ma tariia ake a nang kamateaki n ai aroia naba.

Te Kaotioti 6:11 ပူးပေါင်းရင်းမြစ်များ

Taniera 12:13

Ao ngkoe, Taniera, ko na kakaonimaki ni karokoa te toki. Ao ane ko na mate, ma ko na manga maiu n anaa kaniwangam n tokin aonnaba.”

Mataio 10:21

Ao te mm'aane ane e na anga tarina b'a e na tiringaki, ao ai aron naba are e na karaoia te tama nakon natina; ao ane a na tei rake naati n ekianako nako aia karo ao a na anga b'a a na tiringaki;

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

Ebera 11:40

i bukina b'a iai ana kaantaninga ae raoiroi riki te Atua i bukira: b'a a na aki kona ni kakoroaki raoi aroia n ai aron are E tangiriia iai te Atua, ngkana a aki raonaki i roura.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.

Ebera 4:10

B'a ane rin i nanon ana motirawa te Atua, ao e boni motirawa man ana m'akuri, n ai aron te Atua ngke E motirawa naba man ana m'akuri.

Te Kaotioti 10:6

ao e taetae n tuea n aran Teuare maiu n aki totoki, are karaoa karawa ma baike i nanona, ao te aba ma baike i aona, ao marawa ma baike i nanona, ao e taku b'a akea kamaanan riki te tai.

Te Kaotioti 13:15

Ao e anganaki te kariaia b'a e na karina te ikeike-ni-maiu i nanon te bouananti are na katotonga tein rab'atan te man are moa ni kaoti, b'a e aonga ni kona n taetae ao ni kamateia aomata ni kabaneia ake a aki taromauria.

Te Kaotioti 14:13

Ao I ongo te b'ana mai karawa b'a e kaangai, “Ko na korea ae kaangai, A a kab'aia maate akana mate ma ngkai, n aki raure ma aia Uea.” E taku te Tamnei, “Bon te koaua, b'a a na motirawa man aia m'akuri ae korakora; b'a a airi taekan aia m'akuri ma ngaiia.”

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

Te Kaotioti 7:9

I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;