Te Kaotioti 6:10 - Te B'aib'ara

¹⁰ ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

Te Kaotioti 6:10 ပူးပေါင်းရင်းမြစ်များ

Karikani B'aai 4:10

Ao E a manga taku te UEA, “E aera ngkai ko karaoa te m'akuri ae rangi ni buakaka aei? E tang raraan tarim mai buakon te tano, b'a kaanga ai aron te b'anaa ae e tangira irantangaakina.

Taian Areru 119:84

Ai ti maanraa ngai, ae am toro n tataninga? Ko na kareke kaiia akana b'ainikirinai n ningai?

Taian Areru 13:1

Te UEA! maanraa Ngkoe ni m'anuokina taekau? E na maan n akea tokina? Ko na kaotiko nningai?

Taian Areru 35:17

Te Uea, tao maanraa Ngkoe n tarataraai n arou aio? Kamaiuai mairouia raian aikai ngkana a eekainako!

Taian Areru 79:10

E aera b'a a na kaangai nakoira botannaomata, “Engaa Atuam?” Ti na noriko ni kareke kaiia botannaomata i bukini katuuan raraaia am Toro.

Taian Areru 9:12

Ko aki m'aninga taekan katuaaeaia akana a buakaka ke ni kakauongo nakon tangiia akana a kainano.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

B'aeb'aeti 3:64

Kabooa mwiin b'ai ni kabane ake a tia ni karaoia nako iu, te UEA!

Taniera 12:6

Ao e taetae are temanna nakon raona are temanna are e tei maikekei riki nakon tabo are e raanga mai iai te karaanga ao e kaangai, “A na toki n ningai rikin b'aai aika a kamimii aikai?”

Taniera 8:13

Ao I ongo ana taeka te anera temanna ngke e titirakina raona are temanna, “A na maanra waakin b'aai aika a oti n te kaotioti aei? E na maanra ana tai te bure are e kakamaaku n onea mwiin te angakarea are e katoabong? A na maanra aia tai te taanga ni buaka mai karawa, ao te Tembora n toutouaki?”

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Ruka 2:29

“Te Uea, kariaia ngkai b'a e na nako am toro ma te rau, b'a ko a tia ni kawakina am berita n ai aron am taeka;

Ruka 21:22

B'a aei te tai are E na karawawataki iai Iteraera iroun te Atua, b'a e na kakoroaki nanon are koreaki n te B'aib'ara.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 18:24

A noraki i nanon te kaawa ae B'aburon raraaia burabeti ma ake a itiaki, ao raraaia naba te koraki ni kabaneia ake a kamateaki i aonnaba.

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

Tani Motiki-taeka 16:28

Ao e tataro Tamton ni kaangai, Taiaoka te UEA ae te Atua, Ko na uringai. A auta matau kaain Biritia ni kanakoi, ma I butiko b'a ko na manga kakorakoraai riki te kabanea n tai, b'a I a kukurei naba ngkana tao e ti reke irantaangakin kanoan matau ti teuana.

1.Tamuera 24:12

Ke e motikitaekara te UEA b'a antai ae e bure mairoura! Ke E katuaaeko i bukin arom nako iu, b'a N na bon aki karaoa te b'ai teuana nakoim.