Te Kaotioti 5:5 - Te B'aib'ara

⁵ Ao e kaangai temanna mai buakoia unimm'aane akekei nako iu, “Tai tang; noria, E tokanikai te Raian are riki man te baronga are Iuta: te Raian aei boni kanoan ana kariki Tawita, ao E kona n urui kanim ake kanikina ake itiua ake e kanim'aki iai te niira ni boki.”

Te Kaotioti 5:5 ပူးပေါင်းရင်းမြစ်များ

1.Uea 10:20

tokin te kaintam'arake are onoua m'anekana ni iterana ake uoua. Bon akea te kaintokanuea n te aonnaba ae ai aron ana kaintokanuea Toromon.

2.Rongorongo 9:18

Bon iai naba nangoan te wae ae te koora ae e nim ma ngaia, ao iai naba kaintokan te bai i rarikina ake uoua. Bon iai naba bannan te raian i angaatain ao angamaingin ana kaintokanuea,

Iobi 41:15

E karaoa nuukana n taian otanga aika karinanaki raoi, aika a nim n tatabeua nako, ni matoatoa kaanga te atiibu.

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Ieremia 31:16

Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Taniera 7:16

Ao I waerake nakon temanna i buakoia ake a teitei ikekei, ao I butiia i bukin kab'araan nanona ni kabane. Ma ngaia are, e a tuangai nanona.

Warekaia Iteraera 24:9

Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”

Ruka 23:28

Ao E rairaki Iesu nako ia ao E taku, Natin Ierutarem aika aine, tai tang i buku! Ma kam na tang i bukimi ao i bukiia natimi.

Ruka 7:13

Ngke E nora neierei te Uea, ao E nanoangaia, ao E taku nako ina, “Tai tang!”

Ruka 8:52

Ao a bane n tang ao a tanginiwenei; ma E taku Iesu nako ia, “Tai tang, b'a e aki mate te teei ma e matu.”

Ioane 20:13

A titirakinna ao a taku, “Neiko, ko aera ngkai ko tang?” E kaekaia ao e taku, “I bukina b'a a uota nako au Uea, ao I aki ata te tabo ae a kaaki iai.”

I-Rom 1:3

bon taekan Natina, are Iesu Kristo, are bungiaki n te aro n rab'ata b'a kanoan ana kariki Tawita;

I-Rom 15:12

Ao e taku Itaia, “Ane e na kaoti temanna man ana utu Iete; E na taua taekaia botannaomata aika Tientaire, ao ane a na kaantaningaia.”

Ebera 7:14

B'a E bon ataaki ara Uea b'a E riki man te baronga are Iuta, ae akea taekana irouni Moote ngke e taekinia ibonga.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 5:4

Ao I bati n tang i bukina b'a e aki kuneaki temanna ae riai ni kauka te nira ni boki ma n tarataraia.

Te Kaotioti 6:1

Ao I nora te Tiibuteteei ngke E kaaki te b'ai ni kanim ae te kanikina are teuana mai buakoni b'aai ni kanim ake itiua, ao I ongo b'anaan temanna mai buakoia baike a maiu ake aman ngke e kaangai, “Mai!” ao kanga ai aron rebwen te baa b'anaana.

Te Kaotioti 7:13

Ao e taetae temanna mai buakoia unimm'aane, ao e kaangai nako iu, “Antai aikai aika kunnikaiia ni kunnikai aika m'am'arai aika mainaina? Ao a nako maia?”