Te Kaotioti 5:14 - Te B'aib'ara

¹⁴ Ao baike a maiu ake aman a kaangai, “Amen!” Ao unimm'aane a katorobubua ni bobaraaki ao a taromauri.

Te Kaotioti 5:14 ပူးပေါင်းရင်းမြစ်များ

1.I-Korinto 14:16

B'a ngkana ko tataro ni katituaraoi n te tamnei, ao e na iranna n atonga te “Amen” n am katituaraoi te aomata ae kan rin n te ekaretia ma e tuai n rin, ngkae e aki ata am taeka?

Te Kaotioti 19:4

Ao a katorobubua ni bobaraaki unimm'aane ake uangauni ma aman ma baike a maiu ake aman, ao a taromauria te Atua are tekateka i aon te kaintokanuea, ao a kaangai, “Amen! Neboa te Atua!”

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 4:6

Ao i nanoaan naba te kaintokanuea e mena naba iai te b'ai ae kanga ai aron taraani marawa ae te kiraati ae ai aron taraan te atibu are te kurititaro; ao i rarikin te kaintokanuea ni katobibia a mena iai baika maiu aika aman aika buta rab'ataia ni maata mai moaia ao mai akuiia.

Te Kaotioti 5:11

Ao I taratara nako ao I ongo b'anaaia anera aika bati aika katobibia te kaintokanuea ma b'anaaia baike a maiu ma unimm'aane; ao m'aitin te koraki arei tebubua te mirion ao nga ma nga;

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.

Te Kaotioti 7:12

ao a kaangai, “Amen! Ana b'ai Atuara te karaoiroaki, ma te neboaki, ma te rabakau, ma te katituaraoaki, ma te karineaki, ma te m'aaka, ma te korakora, n aki totoki. Amen!”