Te Kaotioti 4:7 - Te B'aib'ara

⁷ Ao temanna ni baike a maiu ai aron te raian, ao te kauoman ai aron te kaomm'aane; ao te kateniman iai ubuna ae kanga ubun te aomata; ao te kaaman ai aron te ikare ae kibakiba.

Te Kaotioti 4:7 ပူးပေါင်းရင်းမြစ်များ

Karikani B'aai 49:9

Bon te raian ngkoe Iuta, E tiringiia konana, ao e uotia nakon b'angana, E aroria ni wene. Bon akea ae kona n aki karaua.

2.Tamuera 1:23

E nang beebete karekean tangiraia Tauro ao Ionatan. A kaai ni maiu, a kaai ni mate, a biri m'aaka riki nakoia ikare ao a korakora riki nakoia taian raian.

Taeka n Rabakau 28:2

N tain te bubuaka ao a nang m'aiti taani kairiri, ma te tia kairiri ae iangoraoi e kawakina te tua ma taian kaetieti.

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Etekiera 1:10

Maan akekei iai ubuia n tatabemaniia ae kaanga ubun te aomata mai moana, ubun te raian n iterana are te angaatai, ubun te kaom'aane man te maing, ao ubun te ikare mai buki.

Etekiera 1:8

Iai bain te man aei i aan baina ni kiba ake aai ae bain te aomata.

Etekiera 10:14

Iai aua ubuia n tatabemaniia nako maan ake iai baiia ni kiba akekei, ubun te kaom'aane, ubun te aomata, ubun te raian, ao ubun te ikare.

Etekiera 10:21

Iai ubuia aika aua n tatabemaniia nako, ao baiia ni kiba aika aua, ao te b'ai ae kaanga taraan bain te aomata i aan nako baiia ni kiba n tatabeua nako.

Taniera 7:4

Are te moan, kaanga ai aron taraan te raian, ma iai baina ni kiba kaanga te ikare. Ao ngke I bon tabe ni matakuakinna, ao a rina naba ni b'aka baina ni kiba. Ao e tabekakirake ao e kateaki ni kaetaki raoi. Ao i mwiina e a anganaki te nano n aomata.

Ob'aria 1:4

E ngae ngke ko karaoa mwengam n taabo aika rietaata, n ai aron ngaon te ikare, n te aro are kaanga ko a mena i buakon itoi, ma N na bon katikiko naba rikaaki.

Warekaia Iteraera 23:24

Kaanga ai aroia raian aika a tauraoi nakon te buaka, ao a bon aki kona ni motirawa ni karokoa a tia ni kab'auta konaia.”

Warekaia Iteraera 24:9

Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.

Te Kaotioti 4:6

Ao i nanoaan naba te kaintokanuea e mena naba iai te b'ai ae kanga ai aron taraani marawa ae te kiraati ae ai aron taraan te atibu are te kurititaro; ao i rarikin te kaintokanuea ni katobibia a mena iai baika maiu aika aman aika buta rab'ataia ni maata mai moaia ao mai akuiia.

Te Kaotioti 6:3

Ngke E kaaki te b'ai ni kanim are te kanikina are te kauoua, ao I ongo b'anaan te baere maiu are te kauoman b'a e kaangai, “Mai.”

Te Kaotioti 6:5

Ao ngke E kaaki te b'ai ni kanim are te kanikina are te katenua, ao I ongo b'anaan te baere maiu are te kateniman b'a e kaangai, “Mai.” Ao I taratara nako, ao noria, te aoti ae roro! Ao teuare toka i aona, iai te b'ai n tau-rawawata i nanoni baina.

Te Kaotioti 6:7

Ao ngke E kaaki te b'ai ni kanim are te kanikina are te kaaua, ao I ongo b'anaan te baere maiu are te kaaman b'a e kaangai, “Mai.”