Te Kaotioti 4:5 - Te B'aib'ara

⁵ Ao man te kaintokanuea a nako iti ma b'ana ma rebwerebwen te baa; ao i nanoaan te kaintokanuea a mena iai itiai kaai aika teke i taboia n tatabeua nako baika ura n te ai: bon tamnei ake itiman ake mairoun te Atua.

Te Kaotioti 4:5 ပူးပေါင်းရင်းမြစ်များ

Karikani B'aai 15:7

Ao E a manga taku te UEA nakon Aberam, “Boni Ngai te UEA are I kaotinakoko mai Ura i Kareria, ao I anganiko te aba aei b'a abam.”

2.Rongorongo 4:20

kaintein taian taura nenea are e kakauraaki i matan te Tabo are Moan te Tabu,

Taian Areru 68:35

Te Atua, Ko kakamaaku n rokom man am Tabo are Tabu Atuaia Iteraera! E anga te korakora ma te m'aaka nakoia ana Aomata. Kam na neboa te Atua!

Te Otinako 19:16

Ao e rebwe te baa ao e iti karawa ni moan ingabongin te katenua ni bong, ao e kaoti te nang ae matenten i aon te maunga, ao e tang te buu ae moan te tangim'aaka. Ao a bane n ruru ni maaku kaain aia maeka arei ni kabane.

Te Otinako 20:18

Ao a maaku aomata ao a kararoaia nako ngkana a ongo rebwen te baa, tangin te buu, ma n noora te iti ma te bubu man te maunga.

Te Otinako 25:37

E na oota te taura are te kabanea mai i eta ao ake i aon tabon m'aanga ake itiua n tatabeua nako i moan te kaintei.

Te Otinako 37:23

Bootan te koora ae raneanea are e kamanenaaki n te taura ma b'aina nako,

Etekiera 1:13

A raitiiti maan akekei kaanga te kooro ae e kabuebue, ao I noora te b'ai ae kaanga te oi ae e ura ae e butirake ao e buti rikaaki i buakoia. E nako te iti man te oi ni katoa te tai are e nako ia urana.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Tekaria 4:2

Ao i mwiina, e titirakinai ni kaangai, “Tera ae ko nooria?” Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.

Mataio 25:1

N te tai arei, ao Uean te Atua ai aroia tengaun ateiaine, ake a anai aia taura ao a oti nako ni butim'aea teuare te tia iein.

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

M'akuri 2:3

Ao a noori baika ai aron te ai aika ura, aika ai aron taraan te newe; a uamaae nako baikai n tatabeua nakoia, ao a tiku i aoia n tatabemaniia nako.

Te Kaotioti 1:4

Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Te Kaotioti 10:3

Ao e taetae n te b'anaa ae korakora, n ai aron te raian ngkana e bekorara; ao ngke e taetae ao a rebwe baa ake itiua ni kaekaa.

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Te Kaotioti 3:1

“Ao ko na koroboki nakon ana anera te ekaretia are i Tareteiti ni kaangai: “E kaangai Teuare iai i rouna itoi ake itiua ma tamnei aika itiman ake mairoun te Atua, I atai aroarom; e ataaki taekam b'a ko maiu, ma ko boni mate.

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 8:5

Ao e anaa te baan te anera, ao e kanoaia n ain te baonikarea, ao e tewea nako aon te aba; ngke e karaoa aei ao e rebwetata te baa ma n rurunga, ao e itiiti, ma ni m'aeiei aon te aba.