Te Kaotioti 4:11 - Te B'aib'ara

¹¹ “Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 4:11 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

2.Tamuera 22:4

I neboiko, au UEA! I tataro nakoim, ao Ko kamaiuai mairouia au kairiribai nako.

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Iobi 36:3

E raababa au atatai, ao N na kamanena te b'ai ae I ataia ni katereterea te Atua ae au Tia karikib'ai b'a E bon eti.

Taian Areru 18:3

I wetea te UEA, ae ana b'ai te neboaki, b'a E kamaiuai mairouia taan ribaai.

Taian Areru 68:34

Kam na atonga te Atua b'a E m'aaka, ao E tautaeka b'a te Uea Ngaia i aoia Iteraera, Ao a kaotiota aroni m'akana taiani karawa.

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 40:26

Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

I-Ebeto 3:9

ao te kaota nakoia aomata ni kabaneia aroni m'akurian te baere raba, are karabaki ma ngkoangkoa iroun te Atua are kariki b'aai ni kabane;

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Ebera 1:10

Ao E kangai naba, “Ngkoe, te Uea, Ko kawenea aan aonnaba i m'ain rikini b'aai, ao Ko karaoa karawa ni baim.

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 10:6

ao e taetae n tuea n aran Teuare maiu n aki totoki, are karaoa karawa ma baike i nanona, ao te aba ma baike i aona, ao marawa ma baike i nanona, ao e taku b'a akea kamaanan riki te tai.

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Te Kaotioti 5:12

ao a kaangai n te b'anaa ae korakora, “E riai te Tiibuteteei are kamateaki n anganaki te m'aaka, ma te kaub'ai, ma te rabakau, ma te korakora, ma te karineaki, ma te neboaki, ma te karaoiroaki!”

Te Kaotioti 5:2

Ao I nora te anera ae korakora ae taetae n te b'anaa ae korakora ni kaangai, “Antai ae riai ni kauka te nira ni boki ma ni kaaki b'aini kanim'ana ake kanikina?”

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,