Te Kaotioti 3:9 - Te B'aib'ara

⁹ Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

Te Kaotioti 3:9 ပူးပေါင်းရင်းမြစ်များ

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Te Otinako 11:8

Ao e kabanea ana taeka Moote ni kaangai, “A na bane n roko am mataniwi nako iu ni boobaraaki i matau, ao a na buubutiai b'a N na kairiia nako au aomata ma ni m'ananga nako. Ao i mwiin anne, I a m'ananga nako.” Ao i mwiina, e kiitana te uea Moote ma te marakinnano.

Itaia 43:4

Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

1.Tamuera 2:36

Ma ngkana iai ae tiku mai buakoia ami utu, ao e na roko ni kawara au ibonga ma ni bubutiia te m'ane ke te m'akoro ni kariki teutana. E na kona naba ni kaangai nakon au ibonga, “I butiiko b'a ko na karikai b'a te ibonga temanna, b'a e aonga n reke naba kanau teutana.”