Te Kaotioti 3:7 - Te B'aib'ara

⁷ “Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

Te Kaotioti 3:7 ပူးပေါင်းရင်းမြစ်များ

Iobi 11:10

Ngkana E katikiko te Atua ma ni kateiko n te bowi, ao antai ae na tuukia?

Iobi 12:14

Ngkana e urub'ai te Atua, akea ae kona ni manga kateia, akea naba ae kona ni kab'ara te aomata ae kainna te Atua n te karabuuti.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 16:10

i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

Taian Areru 89:18

Boni Ngkoe, te UEA, ae Ko rinea ae na kamanoira; Boni Ngkoe, Atuan Iteraera ae tabu, ae Ko anganira ara uea.

Itaia 22:22

E na anga te UEA te onimakinaki te king are ana b'ai ana utu te Uea are Tawita. E na bon akea ae e na manga konaa ni kauka te b'ai ae e a tia n rokanna, ao bon akea naba ae e na konaa ni manga kaina te b'ai ae e a tia ni kaukia.

Itaia 30:11

Ani katoka te b'ai ae e a tia n taekinna te Atua! Ti aki kani manga ongo taekan Atuaia Iteraera ae e tabu.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 41:16

Ane e na kamaaenakoia te ang ae e korakora nakon taabo aika a kakaokoro. Ao i mwiina, kam na karaoa ami bootaki ni kukurei ibuku ao kam na neboai, Ngai ae ami UEA, ae Atuaia Iteraera ae e tabu.

Itaia 41:20

Ana bane aomata n noora te baei ao a na ataia b'a boni Ngai aia UEA Iteraera ae tabu, ae e kariki b'aai nako.

Itaia 47:4

Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Mataio 16:19

N na anganiko kingin Uean te Atua; ao ane ko tabuia i aonnaba ao e na katabuaki naba i karawa; ao ane ko kariaia i aonnaba, ao e na kariaiaki naba i karawa.”

Mataio 24:35

A na mauna karawa ma aonnaba, ma a na aki kona ni mauna au taeka.

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Ruka 1:32

Ane E na kakannato, ao E na aranaki b'a Natin te Atua are Moan te Rietaata; ao te Uea ae te Atua, E na anganna te nakoa n uea n ai aron are e a tia n reke ngkoa iroun Tawita are ana bakatibu;

Ruka 4:34

“A! Tera am b'ai i roura, Iesu ae te I-Natareta? Ko nako mai b'a Ko na uruira? I kinako b'a Teuare Raoiroi, are mairoun te Atua.”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

M'akuri 3:14

B'a kam kakeaa Teuare Raoiroi, are kabanea maiuna i bukin te Atua, ao kam tua b'a kam na anganaki te aomata ae te tia tiritiri,

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 16:7

Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 2:1

Ko na koroboki nakon ana anera te ekaretia are i Ebeto ni kaangai: “Aio ana taeka Teuare tau itoi ake itiua i ataina, are E nakonako i buakoni kain-tei n taura ake koora ake itiua:

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”

Te Kaotioti 3:14

“Ao ko na koroboki nakon ana anera te ekaretia are i Raorikeia ni kaangai: “E kaangai te Amen are te Tia Kaotioti are kakaonimaki are koaua, are a moa mai Rouna baika karikaki iroun te Atua:

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”