Te Kaotioti 3:2 - Te B'aib'ara

² Ko na kamarurungko, ao ko na kateimatoai baikana tuai ni mauna, akana nangi mate; b'a I aki noori baika ko a tia ni karaoi b'a a kororaoi aroia i matan te Atua.

Te Kaotioti 3:2 ပူးပေါင်းရင်းမြစ်များ

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

1.Uea 15:3

E aki rangi ni kakaonimaki Abiiam nakon te UEA ae Atuana n aron ae a tia ni karaoia ana bakatibu are Tawita, ma e bon aki toki ni bubure n aron tamana are Roboam.

2.Rongorongo 25:2

E ngae ngke e ongotaeka Amatia iroun te UEA ni kaakaraoa ae e raoiroi, ma e rawa ni kakororaoa ana kakaonimaki.

Iobi 16:5

I kona ni kakorakorai ngkami ni wiiu, ao ni karekea te rau nako imi n au taeka.

Itaia 35:3

Bon aei te rongorongo nakoia aika a mamaara, aika a ruru, aika a iango n raraoma:

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Itaia 57:12

Tao ko taku b'a ko rangi n raoiroi, ma N na kaota te koaua.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Taniera 5:27

Te Rawaawata, Ko a tia ni katineaki n te b'ai n tau rawaawata, ao ko kuneaki b'a ko a rangi ni beebete;

Tekaria 11:16

N na manga kariaia b'a e na tautaeka te aomata ae akea manenana n te aba aei-temanna ae e aki tabe ma uamaenakoia tiibu ke kakaaeaia aika a uarereke ke kamaiuaia aika a aoraki ke kaam'arakeaia aika a marurung. E na ti kana te tiibu ae e marikarika, n aki katuka teutana b'a ti riina.”

Mataio 23:5

A karaoi aia m'akuri ni kabane b'a a aonga n noraki irouia aomata: a karababai aia burakitere, ao a kam'arairai riki rabini kunnikaia!

Mataio 25:13

Ma ngaia ae kam na tantani, b'a kam aki ata te bong ke te aoa arei.

Mataio 25:7

A bane n tei rake ngkanne ateiaine akekei, ao a kauram'aakai aia taura.

M'akuri 18:23

E tiku ni kamanna iai teutana, ao i mwina e kitanna n nako ni kawara te aba are Karatia ma Berukia, ni kakorakoraia taan onimaki ni kabaneia iai.

Te Tua-Kaua 3:28

E na kairiia Iteraera Iotua n ri nanon te Ioretan n taua te aba, ma ngaia are, ko na buokiia ni kakorakora ma ni kauna nanona, ao tuangnga te b'ai ae na karaoia.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 2:4

Ma iai te b'ai ae N na waeiko iai, b'a ko a tia ni kaaki te tangira are reke i roum ngke ko moan riki b'a te Kristian.

Te Kaotioti 3:1

“Ao ko na koroboki nakon ana anera te ekaretia are i Tareteiti ni kaangai: “E kaangai Teuare iai i rouna itoi ake itiua ma tamnei aika itiman ake mairoun te Atua, I atai aroarom; e ataaki taekam b'a ko maiu, ma ko boni mate.

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.