Te Kaotioti 3:19 - Te B'aib'ara

¹⁹ Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.

Te Kaotioti 3:19 ပူးပေါင်းရင်းမြစ်များ

2.Tamuera 7:14

N na riki b'a tamana, ao e na riki b'a natiu te m'aane. N na kaetia ngkana e karaoa te kaairua, n aroia naati ngkana a kaetaki irouia aia karo.

Iobi 5:17

E na kukurei te aomata ae kaetaki arona i roun te Atua! Tai kauna nanom ngkana E boaiko.

Taian Areru 39:11

Ko boaiia ma n reireiniia aomata man aia bure; ao ko kamaunai kaub'aia kaanga te m'ata te aomata boni kaanga te nu.

Taian Areru 6:1

Te UEA, Ko na tai boaai, ke ni kataereai n reireiai ngkana Ko un.

Taian Areru 69:9

Ai aron te ai ae ura tangiran am Tembora i nanou; A b'akarai taeka i bukim, aika taeka aika bubuaka.

Taian Areru 94:10

Ngkae E boaiia botannaomata nako, ao tiaki b'a E kona ni kareke kaiia ara mataniwi aika buakaka? Ao ngkai te tia reirei Ngaia nakoia aomata nako, ao tiaki b'a e riai n iai te ataib'ai i rouna?

Taeka n Rabakau 15:10

Ngkana kam rairaki man te kawai ae e raoiroi, ao kam na katuaaeaki; ngkana kam rawa ni kaetaki ao kam na mate.

Taeka n Rabakau 15:32

Kam bon karika te kangaanga nakoim ngkana kam kaaki taian reirei, ma bon te iango ae e raoiroi ngkana kam butim'aai.

Taeka n Rabakau 22:15

A bane n nanobaba naati ma e na kawanawanaia kaetakiia ae e matoa.

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Ieremia 7:28

Ma ngaia ae ko na kaangai nako ia: Kaain Iuta, bon te UEA Ngai ae Atuami, ma kam rawa n ongo taeka i Rou, ma kam aki bitaki ngke I katuaaingkami. Ao ngkai, kam bon aki kani kaota naba te aro ni kakaonimaki nako iu.

Teb'ania 3:2

E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Mataio 25:7

A bane n tei rake ngkanne ateiaine akekei, ao a kauram'aakai aia taura.

Ioane 2:17

Ao ana reirei a uringa are koreaki n te B'aib'ara, are kaangai, “E rangi ni korakora i nanou tangiran am Tembora.”

I-Rom 12:11

A na aki b'ara nanomi man te baere kam uaiakinna; kamatoai angin nanomi; tooro iroun te UEA.

1.I-Korinto 11:32

Ma ngkana a baireaki taekara iroun te UEA, ao E bon reireiniira iai, b'a ti aonga n aki uaia ni kabuakakaki ma te aonnaba ae ekaanako nanon te Atua.

2.I-Korinto 6:9

ngke ti taekinaki b'a ti aki ataaki, ma ti bon ataaki irouia aomata nako; ngke aongkoa ti tabe ni mate, ao noria, ae ti boni maiu; ngke kanga ti kataereaki n reireiaki, ma ti aki mate;

2.I-Korinto 7:11

B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.

I-Karatia 4:18

b'a kam aonga n tauaninne i rouia. E raoiroi te tauaninne n taai nako n te bae e raoiroi, ao tiaki ti ngkana I mena iroumi.

Te Tua-Kaua 8:5

Ma ngaia are, kam na kaaki i nanomi te koaua ae E a tia ni boaingkami te UEA, n aron te karo ma te tina ngkana a boaiia natiia.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.