Te Kaotioti 3:18 - Te B'aib'ara

¹⁸ Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

Te Kaotioti 3:18 ပူးပေါင်းရင်းမြစ်များ

Taian Areru 107:11

B'a kioina ngke a rawa nakon ana taeka te Atua are Moan te M'aaka, Ao a riba ana taeka n reirei.

Taian Areru 16:7

I neboa te UEA b'a E kairiirai, E kakauringai n te tairiki n ootan nanou.

Taian Areru 32:8

E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Taian Areru 73:24

Ko kairiirai n am Taeka n Reirei, Ao Ko na m'aneai rimwi nakon te neboaki.

Taeka n Rabakau 1:25

Kam katinanikui au taeka n reirei ao kam aki tabe ngkana I kauringkami.

Taeka n Rabakau 1:30

Kam katinanikua au taeka n reirei ao kam aki kan ongo ngke I kauringko.

Taeka n Rabakau 19:20

Karekea inanom taian taeka n reirei kariaia kaetakimi, b'a kam aonga ni konaa ni maiu ma te iangoraoi.

Taeka n Rabakau 23:23

Kabooa te koaua ao te wanawana, te taeka n reirei ao te iangoraoi, ao tai raraaure nako ma ngaiia.

Te Minita 8:2

Ngkana ko berita nakon te Atua b'a ko na kakaonimaki nakon te uea, ao I tuangko b'a ko na riai ni kakoroa raoi nanon am berita.

Itaia 47:3

Ko na rawata ni mamaa ni kabebeekanaki, i bukina b'a I a tia ni karaoa te irantaanga, ao bon akea ae e konaa ni biri nako.

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Ieremia 13:26

Kam mareaki ma Ngai, ma kam aki kakaonimaki. Kam riki naba b'a ainen mataawa n aromi n taromauri anti aika a ribaaki i aon taian tabuki ma tawaana.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Mika 1:11

Kam na b'aib'ainrang ngkami aika kaain Tabira, b'a kam na kairaki nako b'a taenikai, ao akea karabaami. Kam na aki kataia n otinako man nonon ami kaawa kaain Taanan. Ngkana kam ongo tanginiweneia kaain Beta-Etera, ao kam na ataia iai b'a akea te tabo ae kam na mauri iai.

Naum 3:5

E taku te UEA ae Moan te M'aaka; “N na katuaaeko, Ninewe! N na taekanako karabaam ni kabebeekaniko, b'a a na noriko botannaomata nako, A na nora arom ni kamamaaeaki.

Maraki 3:3

E na kaitiakia ana kariki Rewi, te UEA kaanga ai aron te tirewa. Ao ane a na uota te angab'ai ae e kaantaningaaki nakon te UEA.

Mataio 13:44

Uean te Atua ai aron te b'ai ae kakawaki are karabaki n te tabo teuana, ao te b'ai are e kunea te aomata temanna ao e karaba; i nanoni kukureina ao e nako ni kabo nako ana b'ai ni kabane, ao e kaboa te aba are e karabaki iai te baerei.

Mataio 25:9

Ao a kaekaia nake a wanawana ni kangai, “Tao e na aki tau nako imi ao nako ira; ma kam na nako nakoia taani kabo b'a ni kabo ami b'a i bukimi.”

Ruka 12:21

“Anne aron te bae na riki nakon te aomata ae kaiko b'aai i bukina ngke e ataaki iroun te Atua b'a e aki kaub'ai.”

2.I-Korinto 5:3

b'a ngkana ti kunnikaiaki iai, ao ti na aki kuneaki n akea karabaara.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 7:13

Ao e taetae temanna mai buakoia unimm'aane, ao e kaangai nako iu, “Antai aikai aika kunnikaiia ni kunnikai aika m'am'arai aika mainaina? Ao a nako maia?”