Te Kaotioti 3:15 - Te B'aib'ara

¹⁵ I atai aroarom; I ataia b'a ko aki mariri ao ko aki bue. Ko bia mariri ke ni bue!

Te Kaotioti 3:15 ပူးပေါင်းရင်းမြစ်များ

1.Uea 18:21

Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Otea 10:2

Ko kam'am'ane ao ko aki kakaonimaki. Ma ngaia are, ko na anganaki boon am bure nako, i bukina b'a E na urua am baonikarea ao am banna te UEA.

Otea 7:8

A tia Iteraera n renganaki irouia ianena; bon taiani kariki ngaiia aika a mmani aika a b'atab'ata iteraia teuana.

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Mataio 24:12

Ane a na toki aia tangira aomata i bukina ngkai e kam'aitaki te buakaka.

Mataio 6:24

Akea te aomata ae kona n toro irouia tooka uoman: b'a ane e na riba temanna, ao e na karinea are temanna. Kam aki kona n toro iroun te Atua ma kaub'ain te maiu aei.

I-Rom 12:11

A na aki b'ara nanomi man te baere kam uaiakinna; kamatoai angin nanomi; tooro iroun te UEA.

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.

I-Biribi 1:9

Ao bon aei au tataro b'a e na ririki rake ni kabatiaki ami tangira, n te aro n rabakau ma n atatai.

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

Iakobo 1:8

ngkai te aomata ngaia n nanououa, ae e kai bibitaki arona.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

Te Kaotioti 2:2

I atai aroarom ni kabane, ma arom n rangi ni m'akuri korakora, ma nanom'aakam, ma arom n aki kona n taona nanom nakoia akana buakaka; ao ko a tia ni kataia akana taku b'a taan tuatua ngaiia ngke bon tiaki, ao ko kuneia b'a bon taani kewekewe.

Te Kaotioti 2:4

Ma iai te b'ai ae N na waeiko iai, b'a ko a tia ni kaaki te tangira are reke i roum ngke ko moan riki b'a te Kristian.

Te Kaotioti 3:1

“Ao ko na koroboki nakon ana anera te ekaretia are i Tareteiti ni kaangai: “E kaangai Teuare iai i rouna itoi ake itiua ma tamnei aika itiman ake mairoun te Atua, I atai aroarom; e ataaki taekam b'a ko maiu, ma ko boni mate.

Te Kaotioti 3:16

Ao ngkai ko aang teutana, n aki mariri ke ni bue, ao N na mumutaiko mai wiiu.