Te Kaotioti 22:9 - Te B'aib'ara

⁹ Ao e taku nako iu, “Tarataraiko b'a ko na aki taromauriai; bon raom n toro ngai, ao raoia n toro tarim ake burabeti, ma ake a ongeaba nakon taeka aika n te boki aei. Ko na taromauria te Atua.

Te Kaotioti 22:9 ပူးပေါင်းရင်းမြစ်များ

2.Uea 17:36

Taromauriai n ti Ngai. Boni Ngai are I kamaiungkami mai Aikubita ni korakorani m'aakau. Bobaraaki nako iu ao angakarea nako iu.

Taian Areru 45:11

E na tangiriko te uea i bukin tamaroam; am mataniwi ngaia, ma ngaia ae ko riai n ongeaba i rouna.

Te Otinako 34:14

I rangi ni kainanoa ami kakaonimaki ni kabane--kam riai n aki taromauri anti tabem'aang!

Mataio 4:9

ao e taku nako Ina, “N na anganiko baikai ni kabane ngkana Ko katorobubua ni bobaraaki n taromauriai.”

Ruka 4:7

Am b'ai baikekei ni kabane ngkana Ko bobaraaki n taromauriai.”

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”

Te Kaotioti 22:10

Ao e taku nako iu, Ko na tai kanikinaei n ae a na aki kakaotaki taeka ni burabeti n te niira ni boki aei, b'a e a kaan te tai;

Te Kaotioti 22:18

I taetae ma te koaua nakoia aomata nako akana ongo taeka ni burabeti n te niira ni boki aei: b'a ngkana e raon taeka aikai te aomata n ana taeka tabeua, ao te Atua E na raona naba kaina ake b'aai ni kamamate aika a koreaki taekaia n te niira ni boki aei;

Te Kaotioti 22:7

“Ao noria, ae N na waetata n roko E a kab'aia ane taua te taeka ni burabeti ae n te boki aei.”

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;