Te Kaotioti 22:6 - Te B'aib'ara

⁶ Ao e taku te anera nako iu, “A kona n onimakinaki taeka aikai b'a a koaua. Ao te Uea, ae Atuan tamneia burabeti E kanakoa ana anera b'a e na kaoti nakoia ana toro baika na waetata n roko.”

Te Kaotioti 22:6 ပူးပေါင်းရင်းမြစ်များ

Karikani B'aai 41:32

Okiokin miim bon kaotana b'a E a tia te Atua ni kamatoa b'a E na karokoa n te tai ae aki maan n taai aika i m'aaira.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Mataio 13:41

Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;

Ruka 1:70

N ai aron are E taekinna ni wiia ana burabeti ake a raoiroi ake a maiu ngkoa:

Ruka 16:16

A teimatoa bonganan taeka ake a koreaki n te Tua ma aia boki burabeti ni karokoa kaotin Ioane are te tia B'abetito; ao man te tai arei, ao e tataekinaki te rongorongo ae raoiroi ae taekan Uean te Atua, ao a bane aomata ni kakorakoraia n rin iai.

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 3:18

Ma te Atua are E a kaman tataekinna ni wiia burabeti ni kabane ae E na kamarakaki ana Kristo, E a kakoroa bukina n te aro aei.

I-Rom 1:2

E a kaman taekina te euangkerio aei te Atua i nanon te B'aib'ara irouia ana burabeti:

1.I-Korinto 14:32

A tauaki aroia tamneia burabeti irouia burabeti.

1.I-Korinto 7:29

Ae I nanonna, taari, b'a e a riki rake ni kimototo ngkai te tai, ma ngaia ae a riai mm'aanenum'a, ni moa ma ngkai, ni maiu n ai aron ae aongkoa akea buia;

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”

Te Kaotioti 21:9

Ao e roko te anera temanna mai buakoia anera ake itiman, ake iai i rouia boora ake itiua, ake a on ni b'aai ni kamamate ake itiua; ao e taetae nako iu, ni kaangai, “Mai ikai, N na kaota te aine are nangi mareaki, are na riki b'a buun te Tiibuteteei.”

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”

Te Kaotioti 22:7

“Ao noria, ae N na waetata n roko E a kab'aia ane taua te taeka ni burabeti ae n te boki aei.”

Te Kaotioti 4:1

I mwin norani baikai ao I taratara nako, ao noria, te mataroa ae uki i karawa, ma te b'anaa are I ongo rimoa, are kanga ai aroni b'anaan te bu are taetae ma ngai, ae kaangai, “Mai rierake, ao N na kaoti nako im baika na bon riki i mwini baikai.”