Te Kaotioti 22:4 - Te B'aib'ara

⁴ A na nora matana, ao E na koreaki arana i aon ram'aia.

Te Kaotioti 22:4 ပူးပေါင်းရင်းမြစ်များ

Iobi 33:26

E na ongo te Atua i rouia ngkana a tataro; A na taromauriia te Atua ma te kukurei; E na manga kanakoraoi b'aai te Atua i bukiia.

Taian Areru 17:15

Ao ngai, ae N na noriko, b'a akea au bure ae I karaoia; N na kukurei n norani buram ngkana I uti.

Taian Areru 4:6

A bati aika a tataro ni kaangai, “Kakab'aiaira te UEA. Ao kaota raoi ootan am Atataiaomata i aora!”

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Itaia 33:17

Kam na noora te Uea ae e Kakannato ni bon oin matami; kam na noora abanueana ae e rooti taabo aika raroa ma n raababa.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Etekiera 33:23

Ao i mwiina, e taku te UEA:

Mataio 5:8

A a kab'aia akana itiaki nanoia, b'a a na nora te Atua!

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

Te Kaotioti 7:3

Ao e kaangai, “Kam na tai b'ainikirina aonnaba ma karawa, ma kaai, ni karokoa ae ti kanikinaeia moa ana toro Atuara i aon ram'aia.”