Te Kaotioti 22:11 - Te B'aib'ara

¹¹ Ane buakaka, ao ke e teimatoa ni kakaraoa ae buakaka; ao ane kam'ara, ao ke e kateimatoa arona ni kam'ara. Ane b'ab'aina te eti, ao ke e kakaraoa ae eti; ao ane itiaki man te bure, ao ke e kawakinna mani karaoan ae buakaka.”

Te Kaotioti 22:11 ပူးပေါင်းရင်းမြစ်များ

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taian Areru 81:12

Ma ngaia ae I kariaia b'a a na iri nanoia aika matoatoa, ni karaoi baike a tangiri.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Te Minita 11:3

E aki toki n uouota te karau te nangi ni karau; a bon tiku naba taian aroka ni nneia ake a b'aka iai.

Etekiera 3:27

Ma e na roko te tai are N na tuangko iai te b'ai ae ko na taekinna, ao ane ko na manga konaa n taekina Au rongorongo. Ane a na ongo tabeman, ao tabeman a na bonotaninga ma n rawa n ongo.

Taniera 12:10

Ane a na m'aiti aomata aika a na kaitiakaki. Ane a na aki ataa nanona aomata aika a buakaka; ao a na teimatoa ni buakaka; bon ti aomata aika a wanawana aika a na ataa nanona.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 21:19

E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Mataio 25:10

Ao ngke a nako ni kaboa te b'a, ao e roko te tia iein, ao nake a tauraoi a rin ma ngaia nakon te am'arake ni baka i bukin te mare, ao e kainaki te mataroa.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ioane 8:21

E a manga taku naba Iesu nakoia, “N nangi nako, ao ane kam na ukoukorai, ma kam na mate i buakon ami bure. Ike N na nako iai, ao kam aki kona n roko iai.”

I-Ebeto 5:27

b'a e aonga n riki nakoina b'a te ekaretia ae rangi n tamaroa, ae akea barekana ke tikibuakana, ke te aro riki teuana ae na taraa-buaka iai, b'a e aonga n itiaki ma n akea buakakana.

I-Korote 1:22

ma ngkai, E raoiakiningkami n rab'atan natina ni matena, b'a E aonga ni kaakingkami i matana b'a aomata aika itiaki aika akea aia kairua ma kabuakakaia.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,

Te Kaotioti 16:21

Ao aomata a b'akaraki mai karawa n te karau ae matoatoa, ae taian aiti aika bububura, aika tao kaka tebubua te rawawata rawawataia ke e raka riki; ao a taetaebuaka te Atua i bukin te karau n aiti are kamamate; b'a e bon rangi ni kamamate.

Te Kaotioti 22:3

Ao akea ae reke kaina ae na manga noraki n te kaawa arei; ao e na mena iai ana kaintokanuea te Atua ma te Tiibuteteei, ao ana toro te Atua a na taromauria.