Te Kaotioti 22:10 - Te B'aib'ara

¹⁰ Ao e taku nako iu, Ko na tai kanikinaei n ae a na aki kakaotaki taeka ni burabeti n te niira ni boki aei, b'a e a kaan te tai;

Te Kaotioti 22:10 ပူးပေါင်းရင်းမြစ်များ

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 8:16

A na riai ni kanikinaeaki au rongorongo man anganaki au reirei.

Etekiera 12:23

Ngkai ko na tuangiia aomata b'a N nang karaoa te b'ai teuana ae a na kakoauaa iai b'a e bure aia taeka anne. Bon akea riki ae e na manga konaa n taekina riki anne i aon Iteraera, i bukina b'a a nang koro bukin b'aai ni kabane aika I taekin n te tai ae e aki maan!

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 12:9

Ao e kaeka ni kaangai, “Ko riai n nako ngkai, Taniera, b'a a na karabaaki ma n aki kaotaki nanon taeka aikai ni karokoa rokon te toki.

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

Mataio 10:27

Ae I tuangngkami n te roo, ao kam na taekinna n te ngaina; ao ae kam ongo i Rou ngke ti ngaira, ao kam na takaruaia i aon taubukin auti.

I-Rom 13:11

Kam bon riai ni karaoa aei, ngkai kam atai kanoani boong aika ti mena iai ngkai. E a bo ami tai ngkai n uti mani matumi. B'a e a uakaan riki ngkai te bong are ti na kamaiuaki iai nakon taina ngkoa ngke ti moa n onimakina iai te UEA.

I-Rom 13:12

E a kani bane te bong, ao e a kaan te ngaina. Ma ngaia ae ti na katikui m'akuri nako aika b'ain te roo, ao ti na anai b'aai ni buaka aika b'ain te oota.

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:3

E a kab'aia ane wareki taeka ni burabeti aikai, ao a kab'aia naba akana ongo, akana kawakini baika koreaki i nanon te boki aio; b'a e a kaan te tai are a na riki iai baikai.

Te Kaotioti 10:4

Ao N nang koroboki ngke a kaeka baa ake itiua, ma I a ongo naba te b'anaa mai karawa ae kaangai, “Ko na kawakin ni kanikinaei b'a a na aki kakaotaki baike a a tia n taekini baa ake itiua, ao ko na tai koroi.”

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”

Te Kaotioti 22:18

I taetae ma te koaua nakoia aomata nako akana ongo taeka ni burabeti n te niira ni boki aei: b'a ngkana e raon taeka aikai te aomata n ana taeka tabeua, ao te Atua E na raona naba kaina ake b'aai ni kamamate aika a koreaki taekaia n te niira ni boki aei;

Te Kaotioti 22:20

E kaangai Teuare kaoti baikai, “Eng, ae N na roko ni waetata, Amen.” Nako mai, te Uea ae Iesu!

Te Kaotioti 22:7

“Ao noria, ae N na waetata n roko E a kab'aia ane taua te taeka ni burabeti ae n te boki aei.”

Te Kaotioti 22:9

Ao e taku nako iu, “Tarataraiko b'a ko na aki taromauriai; bon raom n toro ngai, ao raoia n toro tarim ake burabeti, ma ake a ongeaba nakon taeka aika n te boki aei. Ko na taromauria te Atua.

Te Kaotioti 5:1

Ao I nora te niira ni boki i atain Teuare tekateka i aon te kaintokanuea. Iai te koroboki i nanona ao i akuuna, ao e kanim'aki ni kanim ake kanikina aika itiua b'a e na aki uki.