Te Kaotioti 22:1 - Te B'aib'ara

¹ Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:1 ပူးပေါင်းရင်းမြစ်များ

Taian Areru 46:4

Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

Itaia 41:18

N na karaangai taiani karaanga i aon taubukin taiani maunga. N na kanakoa taian raanga n ran ni kaoni taiani m'arua. E na onrake te aba ae e rereua n raangan taian koburake n ran ao a na riki b'a neei aika taian reke.

Itaia 48:18

Ai korakorara nanou n tangiringkami b'a kam na ongotaeka nakon au tua! E na riai n taorake n te karaanga ae e taonako ami tootokanikai ao tekeraoimi.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Tekaria 14:8

I nanon bongin te aumaiaki ma te aumeaang, e na raanga te ran are e anga te maiu mai Ierutarem, ao iterana mairouia a na raanga nakon Taari are Mate i maiaki ao iterana e na raanga nakon Taari are te Mereterenian i maeao.

Ioane 13:32

Ao ngkana a na nora i rouna aroni mimitongin te Atua, ao te Atua ngkanne E na manga kaota nakoia aron Natin te Aomata ni kamimitongaki i rouna, ao ane E na karaoia ngkai naba.

Ioane 15:26

“Ma ngkana E roko te Tia Buobuoki, are te Tamnei are Tabu, are N na kanakomaia nakoimi mairoun Tamau, ao E na kakoaua i buku. N na kanakomaia nako imi mairoun te Tama, ao E na taetae i buku.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 21:11

ao raneaneana ai aron raneanean te atibu ae rangi ni kakawaki; kaanga ai aron te atibu are te iatebi, ae tara ni kiraati n ai aron te kirutitaro.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 21:9

Ao e roko te anera temanna mai buakoia anera ake itiman, ake iai i rouia boora ake itiua, ake a on ni b'aai ni kamamate ake itiua; ao e taetae nako iu, ni kaangai, “Mai ikai, N na kaota te aine are nangi mareaki, are na riki b'a buun te Tiibuteteei.”

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 22:6

Ao e taku te anera nako iu, “A kona n onimakinaki taeka aikai b'a a koaua. Ao te Uea, ae Atuan tamneia burabeti E kanakoa ana anera b'a e na kaoti nakoia ana toro baika na waetata n roko.”

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 5:13

Ao I ongo b'anaani baika karikaki ni kabane ake i karawa, ao i aonnaba, ao i aantano, ao ake i marawa, ma baike i nanoia ni kabane, b'a a kaangai: “Ana b'ai te Tiibuteteei ma Teuare tekateka i aon te kaintokanuea te karaoiroaki, ma te karineaki, ma te neboaki, ma te tautaeka, n aki totoki!”

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”