Te Kaotioti 21:8 - Te B'aib'ara

⁸ Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 21:8 ပူးပေါင်းရင်းမြစ်များ

Taeka n Rabakau 19:5

A bon aki konaa ni biri nako ma te katuaaeaki taani kakoaua aika a aki taekina te koaua ma taan b'anganikewe.

Taeka n Rabakau 19:9

A na uruanaki aroia taan kakoaua aika a aki karaoa ae e riai ma ni b'anganikewe.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 25:25

ma ngaia are I maaku, ao I nako ni karaba am tarena i aantano. Noria, ao aei am b'ai!”

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

Te Tua-Kaua 20:8

Ao te kabanea, ane e maaku, ao e kona naba n okira ana auti, b'a e kaawa ni manga kairaraangiia tautia aika tem'angina.

2.I-Tetaronike 2:9

E na roko te tia ri aon te tua ma m'aakan Tatan ao e na karaoi taiani kanikina ma kamimii ni kewe.

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

1.Ioane 2:22

B'a antai te tia kewe ma bon te aomata ae taku b'a Iesu bon tiaki te Kristo? Te aomata anne bon ana kairiribai Kristo, e kakeaa te Tama ma te Nati.

1.Ioane 3:15

Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 2:11

“Ane iai taningana ao ke e ongo ana taeka te Tamnei are Raoiroi nakoia ekaretia. “Ane tokanikai ao e na bon aki kamarakaki n te mate are te kauoua.

Te Kaotioti 2:2

I atai aroarom ni kabane, ma arom n rangi ni m'akuri korakora, ma nanom'aakam, ma arom n aki kona n taona nanom nakoia akana buakaka; ao ko a tia ni kataia akana taku b'a taan tuatua ngaiia ngke bon tiaki, ao ko kuneia b'a bon taani kewekewe.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Te Kaotioti 9:17

I nooriia aoti ma ake a toka i aoia, ni miiu, b'a aikai aroia: iai otangani b'ab'aaia aika uraura n ai aron uraurani matan te ai, ao aika buruu n ai aron te uakinto ao aika babobo n ai aron te burimton; ao atuia aoti ai aron atuia raian, ao a oti nako mai wiia te ai ma bubuna ma te burimton.

Te Kaotioti 9:21

ao a aki rairaki ni kitan aroia ni kamamate, ma n tabunea, ma ni kaib'ab'aru, ma ni kimoa.

Tani Motiki-taeka 7:3

Ma ngaia are, ko na bootia am taanga ni buaka, ao tuangiia b'a ane maaku ao e kona ni kiitana te Maunga are Kireata ma n okira mwengana.” Ao a okira mwengaia 22,000 tautia, ao e tiku Kiteon ma ti 10,000 te tautia.