Te Kaotioti 21:6 - Te B'aib'ara

⁶ Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 21:6 ပူးပေါင်းရင်းမြစ်များ

Taian Areru 36:9

Mai Roum koburaken te maiu; ao ti nora te oota i bukin ootam.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:11

E taku neierei nakoina, “Teuaei, akea am b'ai n iti ran, ao e nano te m'anib'a; ko karekea maia ngkanne te ran ni kamaiu?

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

I-Rom 3:24

A bane ni kaetaki aroia n reitaki ma te Atua n ana akoi ae aki kaboaki; ao E karaoa aei iroun Iesu Kristo are kainaomataia:

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

1.I-Korinto 2:12

Ao ngaira ti aki anganaki te tamnei ae b'ain aon te aba, ma ti anganaki te Tamnei are mairoun te Atua, b'a ti na atai ana b'ai n tituaraoi te Atua nako ira.

1.I-Korinto 3:12

Ngkana e kateitei te aomata i aon aana aei, n te koora, ke n te tirewa, ke n atibu aika kakawaki, ke n te kai, ke n te uteute, ke n te maange,

1.I-Korinto 3:21

Ma ngaia ae e na tai taetae te aomata ni kamoamoa ana m'akuri temanna. B'a bon ami b'ai b'aai ni kabane:

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 10:6

ao e taetae n tuea n aran Teuare maiu n aki totoki, are karaoa karawa ma baike i nanona, ao te aba ma baike i aona, ao marawa ma baike i nanona, ao e taku b'a akea kamaanan riki te tai.

Te Kaotioti 16:17

Ao te anera are te kaitiman e kab'aroa kanoan ana boora i aon te ang; ao e nako te b'anaa man te baonikarea are n te Tembora, ao e kaangai, “E a tia!”

Te Kaotioti 22:13

Boni Ngai te Areb'a ao te Omeka, te Moa ao te Toki; boni moani b'aai Ngai ao tokiia naba Ngai.”

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 3:14

“Ao ko na koroboki nakon ana anera te ekaretia are i Raorikeia ni kaangai: “E kaangai te Amen are te Tia Kaotioti are kakaonimaki are koaua, are a moa mai Rouna baika karikaki iroun te Atua:

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”