Te Kaotioti 21:12 - Te B'aib'ara

¹² Ao iai nonona ae ab'ab'aki ae rietaata, ma mataroana aika tebwi ma uoua, ma anera aika tengauni ma uoman aika toa ni mataroa n tantani i rarikiia; ao a toa naba mataroa aikai ma tatabeua aara aika koreaki i aoia, aika araia baronga ake tengauni ma ua baronga ake tibun Iteraera.

Te Kaotioti 21:12 ပူးပေါင်းရင်းမြစ်များ

2.Rongorongo 9:19

ao iai naba bannan taian raian aika tengaun ma uoman i angaatain ao angamaingin te kainrarake nakon te kaintokanuea ni katoai kainararake ake onoua. Bon akea te kaintokanuea n te aonnaba ae ai aron ana kaintokanuea Toromon.

Etira 9:9

Bon tooro ngaira, ma ko bon aki te roko n tannako mairoura. I bukin am tangira nakoira, ao a buokiira taiani uea mai Botia. Kaanga ai aron ae Ko a tia n anganiira te maiu ae e boou. Ko kariaia b'a ti na manga katea am Tembora, ao mani maeka ma te rau i Iuta ao i Ierutarem.

Neemia 12:27

Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

Taian Areru 122:7

E bia teimatoa te rau i nanon oon am kaawa ni kabaneia ao i nanon am bareti nako.

Taian Areru 51:18

Te Atua, kaota am Atataiaomata nakon te kaawa ae Tion, ao buokiia; Manga katei nonon Ierutarem.

Te Otinako 28:21

ao nib'ai araia barongan Iteraera ake tengaun ma uabaronga n tatabeua nako.

Itaia 54:12

A na karaoaki am nono n taian ruube, ao mataroan am kaawa n taian b'ainikatamaaroa ao oon te kaawa n atiibu aika a tamaroa.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 16:22

E mate teuare akea ana b'ai ao e uotaki irouia anera nako rarikin Aberaam. E mate naba teuare kaub'ai ao e taunaki;

M'akuri 26:7

are te taeka are a kaantaningaia ara baronga ake tengauni ma ua baronga, b'a e na kakoroaki bukina nakoia, ngkai a bane nanoia n tataromauria te Atua ni bong ao ni ngaina. Te uea, I bukinaki irouia I-Iutaia i bukin te kaantaninga aei.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Te Kaotioti 21:13

Tenua te mataroa n iteran te nono are mai mainiku, ao tenua n iterana are mai meaang, tenua mai maiaki, ao tenua mai maeao.

Te Kaotioti 21:15

Ao te anera are taetae ma ngai iai ana kai ni baire ae te koora, are e na bairea iai te kaawa, ma mataroana nako, ma nonona.

Te Kaotioti 21:25

A na bon aki kainaki mataroana n te ngaina, b'a akea te bong ikekei.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.