Te Kaotioti 20:6 - Te B'aib'ara

⁶ E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 20:6 ပူးပေါင်းရင်းမြစ်များ

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Itaia 61:6

Ma ana riki ngaia b'a ana ibonga ao ana tia m'akuri te UEA ae Atuara. A na b'aina kab'aiaia botannaomata nako, ao a na tanoata taekaia.

Taniera 12:12

A na kab'aia akana a teimatoa ni kakaonimaki ni karokoa banen 1,335 te bong.

Ruka 14:15

Ngke e ongo taeka aikai temanna i buakoia aomata ake a rarikiriki n am'arake ma Iesu, ao e taku nako Ina, “E a kab'aia te aomata are na am'arake n uean te Atua!”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 14:13

Ao I ongo te b'ana mai karawa b'a e kaangai, “Ko na korea ae kaangai, A a kab'aia maate akana mate ma ngkai, n aki raure ma aia Uea.” E taku te Tamnei, “Bon te koaua, b'a a na motirawa man aia m'akuri ae korakora; b'a a airi taekan aia m'akuri ma ngaiia.”

Te Kaotioti 2:11

“Ane iai taningana ao ke e ongo ana taeka te Tamnei are Raoiroi nakoia ekaretia. “Ane tokanikai ao e na bon aki kamarakaki n te mate are te kauoua.

Te Kaotioti 20:14

Ao te Mate ma Eriti a teweaki nako nanon te nama are te ai. (Aei te mate are te kauoua, ae te nama are te ai.)

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.

Te Kaotioti 22:7

“Ao noria, ae N na waetata n roko E a kab'aia ane taua te taeka ni burabeti ae n te boki aei.”

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”