Te Kaotioti 20:11 - Te B'aib'ara

¹¹ Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 20:11 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Iobi 9:6

E karokoa te m'aeiei, ao e ioioa te aba. E karurui taiani boua ake a tabeka aonteaba.

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 47:8

E tauu taekaia botannaomata te Atua; E tekateka i aon ana kaintokanuea are tabu.

Taian Areru 89:14

Ko katea ueam i aon te eti ma te motikitaeka ae e raoiroi; E ri moam te tangira ma te kakaonimaki b'a kanga taan ua-rongorongo i bukim.

Taian Areru 97:2

E otab'aniniaki rarikina n taian nang ma te roo; E tautaeka n te raoiroi ma te eti.

Itaia 6:1

N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Taniera 2:35

Ma ngaia are, e a b'aka te biti ma te tano, ma te buraonti, ma te tirewa, ao te koora ni maerikiriki kaanga bubun te uita are e oreaki n tain te aumaiaki. E uotia nako te ang ni kabane ni bon akea nikirana. Ma e rikirake ni buubura te atiibu arei ni karokoa e a rabuna te aonnaba ni kabane.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Mataio 11:22

Ma I taku nako imi, b'a e na bebete riki te rekenikai are e na reke nakoia I-Turo ma I-Titon nakon are e na reke nako imi n te bongi ni motikitaeka.

Mataio 24:35

A na mauna karawa ma aonnaba, ma a na aki kona ni mauna au taeka.

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

Te Kaotioti 12:8

ma a aki tokanikai; ao e aki manga noraki neia i karawa.

Te Kaotioti 16:20

Ao a bane abam'akoro ni biri nako, ao a aki manga noraki maunga.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 20:2

E taua te rakon, are te naeta nikawai, are te riaboro are Tatan; ao e kabaea n te taurekereke ao e tewea nako Abuto, ao e kaina mataroana ao e kanikinaea aona b'a e aonga n aki kaukaki. E na tiku ikekei i nanon teuana tengaa te ririki, b'a e aonga n aki manga m'am'anaia botannaomata nako. E na boni kainaomataki rimwi, ma e na aki maan ana tai n inaomata.

Te Kaotioti 21:1

Ao I nora karawa ae boou ma aonnaba ae boou; b'a e a tia ni mauna te moa ni karawa ma te moa n aonnaba, ao ai aron naba marawa.

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”

Te Kaotioti 4:2

Boni ngkekei naba ao I a mena naba i aani m'aakan ana kairiri te Tamnei are Raoiroi; ao noria, e mena te kaintokanuea i karawa ma temanna ae tekateka i aona.

Te Kaotioti 6:14

E mauna nako karawa n ai aron te niira ni boki ngkana e niniraki; ao a bane ni kam'aeaki nako maunga ma abam'akoro mani neia.