Te Kaotioti 2:7 - Te B'aib'ara

⁷ “Ane iai taningana n ongo, ao ke e ongo ana taeka te Tamnei are Raoiroi nakoia ekaretia. “Ane tokanikai ao N na anganna te am'arake man te kai ni maiu are mena n ana B'aretaiti te Atua.

Te Kaotioti 2:7 ပူးပေါင်းရင်းမြစ်များ

Karikani B'aai 2:9

Ao E kariki aekaki n aroka nako ikekei aika tikiraoi b'a a na riki rake ma ni kariki uaa. Ao iai aroka i nuukana, ae te aroka ae anga te maiu, ao te aroka ae anga ataan te raoiroi ma te buakaka.

Taeka n Rabakau 11:30

Maiuakina te raoiroi, ao ane kam na am'arake man te aroka are e angaanga te maiu. Ao ngkana kam m'akuri n aron te aomata ae e wanawana, ao ane a na katotoongkami tabem'aang.

Taeka n Rabakau 13:12

Ko konaa ni kaaorakiko man aki reke ae ko tangiria, ma bon te aroka ae e anga te maiu am iango ae ko tangiria ae e korobukina.

Taeka n Rabakau 15:4

Bon taian b'ainaoraki taeka aika a raoiroi, ma taeka ni kewe a konaa ni kaikoaka te aomata.

Taeka n Rabakau 3:18

Bon te aroka ae e anga te maiu te wanawana, bon te tabo ike e nako mai iai te kukurei i bukiia ni kabane akana a taumatoaia.

Etekiera 28:13

Ko maeka n te nne n aroka ao ko katokai i aom b'aai ni katamaroa aika a karaoaki n te atiibu ae e tamaroa ae e bati matana ao atiibu aika a tamaroa. A bane ni karaoaki n te koora ao a katauraoaki i bukim n te bong are ko bungiaki iai.

Etekiera 31:8

Bon akea te tiira tekaina i nanon au nen aroka i Eten ae ai aron te kai aei; ao akea naba te kai ae e roota ab'ab'akin m'aangana.

Mataio 11:15

Ane iai taningana n ongo ao ke e ongo.

Mataio 13:43

Ao ane a na raneanea akana raoiroi n ai aron taai n uean Tamaia. Ane iai taningana, ao ke e ongo.

Mataio 13:9

Ane iai taningana, ao ke e ongo!

Mareko 4:9

Ao e taku Iesu, “Ane iai taningana n ongo ao ke e ongo!”

Mareko 7:15

Akea te b'ai ae rin nako nanon te aomata mai tinanikuna ae na kona ni kam'araea te aomata anne; ma b'aai aika oti nako mairoun te aomata, boni ngaai aika kam'araea.”

Mareko 7:16

Ane iai taningana n ongo ao ke e ongo.

Ruka 23:43

Ao E taku Iesu nako ina, “E koaua ae I a tuangko b'a n te bong aei ao ko na mena ma Ngai i B'aretaiti.”

Ruka 8:8

Ao a b'aka tabeua i aon te tano ae raoiroi ao a riki rake, ao a kariki uaa aika tatabebubua. Ao E kanenea riki b'anaana ao E taku, “Ane iai taningana n ongo, ao ke e ongo!”

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

1.I-Korinto 2:10

E a tia ni kaotii te Atua nako ira iroun Tamneina. B'a akea te b'ai teuana ae E aki ata arona te Tamnei, ao E atai naba ana kaantaninga te Atua aika nano.

2.I-Korinto 12:4

B'a e uotaki rake nako B'aretaiti, ao e ongo taeka aika aki konaki n taekinaki, aika aki riai b'a a na atongaki iroun te aomata.

1.Ioane 2:13

Taama, I koroboki nako imi, ngkai kam ata Teuare bon iai ma ngke a tuai ni karikaki b'aai. Rorobuaka, I koroboki nako imi, ngkai kam a tia n tokanikai i aon teuare buakaka.

Te Kaotioti 13:9

“Ke e ongo, ane iai taningana!

Te Kaotioti 14:13

Ao I ongo te b'ana mai karawa b'a e kaangai, “Ko na korea ae kaangai, A a kab'aia maate akana mate ma ngkai, n aki raure ma aia Uea.” E taku te Tamnei, “Bon te koaua, b'a a na motirawa man aia m'akuri ae korakora; b'a a airi taekan aia m'akuri ma ngaiia.”

Te Kaotioti 15:2

Ao I nora te b'ai ae kanga ai aroni marawa ae te kiraati ae renganaki n te ai; ao I nooriia naba ake a tokanikai i aon te man arei, ma te bouananti are katotongana, ao i aon naba are e tei te ware i bukin arana, b'a a tei i aoni marawa are te kiraati, n tau aabi ake mairoun te Atua.

Te Kaotioti 2:11

“Ane iai taningana ao ke e ongo ana taeka te Tamnei are Raoiroi nakoia ekaretia. “Ane tokanikai ao e na bon aki kamarakaki n te mate are te kauoua.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 22:2

n ri nuukani kawain te kaawa. Ao n iteran te karaanga ake uoua bon iai kaai ni maiu, aika kariki uaaia teuana te tai ni katoa nam'akaina i nanon teuana te ririki; ao baanikaai akekei boni b'aini kamaiuaia botannaomata.