Te Kaotioti 2:25 - Te B'aib'ara

²⁵ Ma kam na taua ane iroumi ni karokoai.

Te Kaotioti 2:25 ပူးပေါင်းရင်းမြစ်များ

Ioane 14:3

Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

M'akuri 11:28

E teirake temanna i rouia ae arana Akabo, ao e taetae ni m'aakan te Tamnei b'a e na roko te rongo ae korakora i aonnaba ni bane; ao e koro bukin aei n ana tai n uea Keraurio.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

1.I-Korinto 11:26

B'a n taai ake kam kana iai te berena aei, ma ni moi n te m'angko aei, ao kam kaotiota iai maten te UEA, ni karokoa ae E roko.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

1.I-Tetaronike 5:21

ma kam na katai b'aai ni kabane b'a ua ra; kam na taua ae raoiroi,

Ebera 10:23

Ao ti na taua ni kamatoa te kaantaninga are ti kaotiotia ma te aki nanokokoraki; b'a E kakaonimaki Teuare atonga te taeka n akoi.

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.

Te Kaotioti 22:20

E kaangai Teuare kaoti baikai, “Eng, ae N na roko ni waetata, Amen.” Nako mai, te Uea ae Iesu!

Te Kaotioti 22:7

“Ao noria, ae N na waetata n roko E a kab'aia ane taua te taeka ni burabeti ae n te boki aei.”

Te Kaotioti 3:11

Ae N na waetata n roko; ko na taua ane i roum, b'a e na aki uota nako am baunuea temanna.

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.