Te Kaotioti 2:22 - Te B'aib'ara

²² Noria, N na kaaoraka neierei, ao uake a wene ni bure ma ngaia, N na karawawataia n te aro ae korakora, ngkana a aki rairi nanoia ni kitan aia m'akuri ake a karaoi ma neierei;

Te Kaotioti 2:22 ပူးပေါင်းရင်းမြစ်များ

Ieremia 36:3

ao warekia nako ia kaain Iuta. Tao e na toki iai karaoan te bure ngkana a ongo Au babaaire aika N nang karaoia nako ia. Ao ngkana a oki nako iu, N na kab'araa aia bure.”

Etekiera 23:29

A na uoti b'aai nako n te aro ae e aki raoiroi ake ko bon karekei n am m'akuri korakora ao a na buuti kunnikaim ni kabebeekaniko. Ao a na bane aomata n nooriko b'a bon ainen mataawa ngkoe. A kairiko oin am bure

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Teb'ania 3:7

Ao I taku b'a a nang tabeakinai man nanoni Au reirei nakoia, ma n aki kona ni m'aninga ake I a tia n reireia. Ma a manga waekoa naba n rairaki nakon m'akuri aika a buakaka.

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

Te Kaotioti 17:2

are a wene ni bure ma ngaia uean aonnaba, ao are a manging i rouna kaain aonnaba ni wain n ana wene ni bure.”

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.