Te Kaotioti 2:2 - Te B'aib'ara

² I atai aroarom ni kabane, ma arom n rangi ni m'akuri korakora, ma nanom'aakam, ma arom n aki kona n taona nanom nakoia akana buakaka; ao ko a tia ni kataia akana taku b'a taan tuatua ngaiia ngke bon tiaki, ao ko kuneia b'a bon taani kewekewe.

Te Kaotioti 2:2 ပူးပေါင်းရင်းမြစ်များ

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Mataio 7:23

Ao Ngai N na kangai nako ia, Bon te akea reitakiu ma ngkami; naako mai Rou, ngkami aika kam tuai mani karaoa nanon te Atua.

Ioane 6:6

E atonga aei Iesu b'a E kani kataa Biribo: b'a Iesu E a boni kaman ata are E na karaoia.

I-Karatia 1:7

b'a bon akea riki te euangkerio teuana, ma ti iai tabem'aang aika aki karaungkami, aika kani kab'aoua euangkerioni Kristo.

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 5:21

ma kam na katai b'aai ni kabane b'a ua ra; kam na taua ae raoiroi,

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.

Te Kaotioti 2:6

Ma iai arom aei: ko ribai aia m'akuri raon Nikorao, ake m'akuri ake I ribaai naba.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 3:1

“Ao ko na koroboki nakon ana anera te ekaretia are i Tareteiti ni kaangai: “E kaangai Teuare iai i rouna itoi ake itiua ma tamnei aika itiman ake mairoun te Atua, I atai aroarom; e ataaki taekam b'a ko maiu, ma ko boni mate.

Te Kaotioti 3:15

I atai aroarom; I ataia b'a ko aki mariri ao ko aki bue. Ko bia mariri ke ni bue!

Te Kaotioti 3:8

I atai aroarom. Noria, I kaaki i matam te mataroa ae uki, ae e aki kona temanna ni bonotia. E karako korakoram, ma ko taua au taeka, ao ko aki kakeaa arau.