Te Kaotioti 2:18 - Te B'aib'ara

¹⁸ “Ao ko na koroboki nakon ana anera te ekaretia are i Tuateira ni kaangai: “E kaangai Natin te Atua, are iai matana aika ai aron uran te ai, ma waena aika ai aron te buraati ae raneanea:

Te Kaotioti 2:18 ပူးပေါင်းရင်းမြစ်များ

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Taniera 10:6

E oota rab'atana n ai aron te tirewa. Ao e takiakia moana n ai aron te iti, ao a ura matana n ai aron te ai. Baina ma waena kaanga ai aron taraan te buraonti ae e a tia ni kaitiakaki, ao b'anaana kaanga ai aron rurungaan te koraki n aomata ae e korakora.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

Ioane 3:18

Ane onimakina Natina ao e aki motikaki taekana; ma ane aki onimakinna, ao e motikaki taekana i bukina b'a e aki onimakina aran Natin te Atua ae te rikitemanna.

Ioane 5:25

Bon te koaua ni koaua ae I a tuangngkami b'a e a roko te tai, ma e a boni kaman roko, ae a na ongo iai b'anaan Natin te Atua maate; ao a na maiu akana ongo.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 8:36

Ao ngke a wakina kawaia, ao a roko n te tabo ae iai te ran iai; ao e taku te iunaki, “Noria, kai aei te ran; tera ae tukai b'a N na aki b'abetitoaki?”

I-Rom 1:4

ma ni maiuna n tamnei are reitaki ma te Atua, ao E kaotia te Atua n te aro ae m'aaka b'a bon Natina ngke E a manga kamaiua mai buakoia maate.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 2:1

Ko na koroboki nakon ana anera te ekaretia are i Ebeto ni kaangai: “Aio ana taeka Teuare tau itoi ake itiua i ataina, are E nakonako i buakoni kain-tei n taura ake koora ake itiua:

Te Kaotioti 2:24

“Ma ngkami, akana nikiraia ami koraki i Tuateira, akana kam aki toua mwin te reirei ae buakaka aei, akana kam aki atai baikana a atongaki irouia tem'angina b'a ana b'ai Tatan aika nano, I aki kani kaaki riki te rawawata teuana i aomi.