Te Kaotioti 2:10 - Te B'aib'ara

¹⁰ Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 2:10 ပူးပေါင်းရင်းမြစ်များ

Taian Areru 31:23

Kam na bane n tangira te UEA, ngkami akana ana Aomata akana onimakinna; E kawakinia akana kakaonimaki te UEA, Ma E kabatia kain ane kainikatonga.

B'aeb'aeti 3:57

ao Ko roko n te tai are I tangira buokau iai. Ko kaangai nako iu, “Tai raraoma!”

Taniera 1:12

“Taiaoka, ko na kam'arakeira man uaan taian aroka ao kamooira n te ran, n nikiran boong aika tebwina.”

Taniera 1:14

Ao e kariaia b'a a na kataia i nanon tebwina te bong.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Mataio 10:22

ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 24:13

Ma ane nanom'aka ni karokoa te toki, ao e na kamaiuaki.

Mareko 13:13

Ane kam na ribaaki irouia aomata nako i bukin arau, ma ane nanom'aaka ni karokoa matena, ao e na kamaiuaki.

Mareko 8:35

B'a ane kani kawakina maiuna, ao e na kabua; ma ane e na kabua maiuna i buku ao i bukin te euangkerio, ao e na kawakinna.

Ruka 21:12

Ma i m'ain rikini baikai, ao ane a na tuangngkami ao a na b'ainikiriningkami; a na anga ngkami nakoia mataniwi ni m'aneabaia I-Iutaia, ao a na kainingkami i nanoni karabuuti; ao ane kam na kateaki i mataia uea ma taan tau-taeka i bukin arau.

Ioane 12:25

Ane tangira maiuna ao e na kabua; ao ane riba maiuna n te aonnaba aei, ao e na kawakinna nakon te maiu are aki toki.

Ioane 13:2

Ao ngke a am'arake, ngke e a tia te riaboro ni karina te iango i nanon Iuta, are natin Timon Itekariota, b'a e na kam'anea Iesu,

Ioane 13:27

I mwin te tai are e reke iroun Iuta iai te m'akoro ni kariki, ao e a rin naba Tatan i nanon Iuta. E taku ngkanne Iesu nakoina, “Tai tab'ara, karaoa ane ko nang karaoia.”

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

1.I-Korinto 9:25

Aomata ni kabaneia aika na ira te kabo n te takakaro a rangi n tabutabui aroia nakoni b'aai nako. A karaoa aei b'a e aonga n reke i rouia te bau ae kai mka, ma ngaira te bau ae aki kona ni mka.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 13:2

Ao te man are I noria ai aron te reb'ari, ao waena ai aroni waen te bea, ao wina ai aroni wiin te raian. Ao e anga m'aakana te rakon nakoina, ao e anganna naba ana kaintokanuea ma m'aakana n tautaeka ae korakora.

Te Kaotioti 13:7

Ao e anganaki naba te kona ni buakaniia ake a itiaki, ma te katae aia kai; ao e anganaki te m'aaka n tauu taekaia baronga nako ma natanaomata ma botannaomata ma aomata nako aika a kakaokoro aia taetae.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!