Te Kaotioti 19:8 - Te B'aib'ara

⁸ E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 19:8 ပူးပေါင်းရင်းမြစ်များ

Taian Areru 132:9

A na b'ab'aina te eti am ibonga n taai nako; a na anene n takaakaa ni kakatonga am botannaomata!

Taeka n Rabakau 31:22

E bon itutuu, ao a bane n tamaroa ana kunnikai aika e b'ain.

Itaia 3:23

b'araia, ao aia b'auti ni m'ane.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Etekiera 16:10

I anganiko te kabanea n tamaroa n niiniirau ae te kabanea ni boobuaka, ao ai uana naba ma taiani kauniwae aika a karaoaki man te kabanea n tamaroa ni kun ni man.

Etekiera 44:17

Ngkana a roko ni katawanangin te Tembora, a na riai ni kunnikaia ni kunnikaia ibonga. A na aki kukunnikaiia Au ibonga ni b'aai nako aika a karaoaki ni buraen te tiibu ngkana a karaoa aia m'akuri n te katawanang aei ke i nanon te Tembora.

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Mataio 22:12

ao e taku nako ina, Raou, ko aera ngkai ko rin ikai n aki b'aina te kunnikai ni baka? Ao akea ana kaeka teuarei.

Mareko 9:3

ao a tara ni mainaina n raneanea kunnikaina, te aeka ni mainaina ae e raka riki aroni mainainana nakon are e kona n reke iroun te tia kamainainai kunnikai i aonnaba.

Ruka 24:4

Ngke a minotaki aia iango n te b'ai are riki, ao noria, a tei uomani mm'aane i rarikiia aika a b'ainiia ni kunnikai aika raneanea.

M'akuri 1:10

Ngke a bon tabe naba n tara rake n tara karawa, ngke E nako Iesu, ao noria, a tei i rarikiia uoman te aomata aika kunnikaiia ni kunnikai aika mainaina;

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 15:6

ao a oti nako man te Tembora anera aika itiman, ake iai i rouia b'aai ni kamamate ake itiua, ao a kunnikaiaki n te kunnikai ae itiaki ae raneanea, ao a kabaeaki b'ab'aaia ni kabae aika koora.

Te Kaotioti 19:14

Ao a iria n ri mwina taanga ni buaka ake i karawa i aoia aoti aika mainaina, ao a kunnikaiaki n te rinen ae e raoiroi ae mainaina ae itiaki.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.