Te Kaotioti 19:3 - Te B'aib'ara

³ A a manga kaangai riki, “Neboa te UEA! E aetorake bubuni bueen neierei n aki totoki.”

Te Kaotioti 19:3 ပူးပေါင်းရင်းမြစ်များ

Karikani B'aai 19:28

E taraa aon Tootom ma Komora ma te m'arua ni kabutaa, ao e noora te bubu ae aetorake mai aon te aba, ae kaanga te bubu man te ai ae korakora.

Taian Areru 104:35

A bia kamaunaki taani bure mai aon te aba; A bia akea aomata aika buakaka. Karaoiroa te UEA, tamneiu! Karaoiroa te UEA!

Itaia 34:10

Ane e na bue n te bong ma te ngaina ao e na aki toki bubuna. E na riki Etom b'a te rereua, ao e na akea ae e na manga; riri nanon te aba arei n te roro teuana ma teuana.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 14:11

Ao e aetorake n aki totoki bubun te ai are a b'ainikirinaki ni kamarakaki iai; ao akea motirawaia ni ngaina ao ni bong te koraki ake a taromauria te man ma te bouananti are katotongana, ao te koraki ake a anganaki kanikinaean arana.”

Te Kaotioti 18:18

ao a takarua ngke a nora bubuni buena, ao a kaangai, “Bon akea te kaawa ae ai aron te kaawa ae kakannato arei”

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Te Kaotioti 19:4

Ao a katorobubua ni bobaraaki unimm'aane ake uangauni ma aman ma baike a maiu ake aman, ao a taromauria te Atua are tekateka i aon te kaintokanuea, ao a kaangai, “Amen! Neboa te Atua!”