Te Kaotioti 19:12 - Te B'aib'ara

¹² Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.

Te Kaotioti 19:12 ပူးပေါင်းရင်းမြစ်များ

Karikani B'aai 32:29

Ao e taku Iakob'a, “Tuangai aram ngkai.” Ma e taku teuarei, “E aera ngkai ko tangiria n ataa arau?” Ao i mwiina, e kakab'aia Iakob'a.

Taian Areru 8:5

Ko kamangoria riki nakoim; ao Ko bauniia n te mimitong ma te karineaki.

Te Otinako 23:21

Ongotaeka raoi nakon b'aai nako akana e na tuangkami te anera, b'a I anganna te m'aaka ni kabane, ao e bon aki konaa ni kariaia te kamangao.

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Ana Anene Toromon 3:11

Nakomai ngkai noora te baunuea ae e anganaki Toromon iroun tinana i nanon ana bong ni mare ae e kakukurei.

Itaia 62:3

Ko na riki b'a te baunuea ae e mimitong, kabaean atuuia uea, nakon te UEA ae Atuami.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Taniera 10:6

E oota rab'atana n ai aron te tirewa. Ao e takiakia moana n ai aron te iti, ao a ura matana n ai aron te ai. Baina ma waena kaanga ai aron taraan te buraonti ae e a tia ni kaitiakaki, ao b'anaana kaanga ai aron rurungaan te koraki n aomata ae e korakora.

Tekaria 9:16

E na kamaiuia te UEA ae te Atua n te bong arei, i bukina ngkai bon Ana aomata ngaiia, ao a na raneanea i aon te aba n ai aron taiani b'ai ni katamaroa n te baunuea.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 21:5

“Kam na kangai nakoia kaain te kawa are Tion, Noria, E a nako imi ami Uea! Ae nimamannei, ae toka i aon te aati ao i aoni bunna.”

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ruka 10:22

I anganaki b'aai ni kabane iroun Tamau; ao akea ae ata te Nati b'a ti te Tama; ao akea ae ata te Tama ma ti te Nati, ao ane E kani kaotia te Nati nako ina.

Ioane 17:11

Ao ngkai, N nangi nakoim; N nang aki tiku ni maan i aon te aba, ma a na tiku ngaiia i aon te aba. Tamau ae Ko Raoiroi, kawakinia ni m'akan aram, ae te ara are Ko anganai, b'a a aonga n riki n teuana, n ai arora.

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

I-Ebeto 1:21

ike E tautaeka iai i aoia uea ni kabaneia, ma ake a korakora, ma ake a m'aaka, ma ake a tautaeka, ao i aoia aara ni kabane aika atongaki, tiaki i aon ti te aba aei, ma i aon naba te aba are na roko.

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.

Te Kaotioti 1:14

Ao moanibaan te mainaina atuna ma iran atuna; ao matana ai aron taraan uran te ai,

Te Kaotioti 12:3

Ao e a manga kaoti te b'ai riki teuana i karawa ae e rangi ni kamimii naba taraana: te man ae te rakon ae korakora ae uraura, ao itiua atuna ao tengauni korona, ao itiua te baunuea i aon atuna.

Te Kaotioti 13:1

Ao I nora te man ae tiritiri b'a e aerake mai tari: tengauni korona, ao itiua atuna, ao tebwina te baunuea i aoni korona, ao iai te ara ae te taeka ni bakanatua i atuna nako.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

Te Kaotioti 6:2

Ao I taratara nako, ao noria, te aoti ae mainaina! Ao teuare toka i aona iai te kai ni katebe i rouna. Ao e anganaki te baunuea; ao e tokara ana aoti n nako b'a ai aron te tia buaka ae tokanikai.

Tani Motiki-taeka 13:18

Ao e taku te anera, Tiaki ngaia anne, bon akea uaan ataakin arau iroumi. Ao ngkana iai, ao kam bon aki kona naba n ataa nanona.