Te Kaotioti 18:9 - Te B'aib'ara

⁹ Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.

Te Kaotioti 18:9 ပူးပေါင်းရင်းမြစ်များ

Karikani B'aai 19:28

E taraa aon Tootom ma Komora ma te m'arua ni kabutaa, ao e noora te bubu ae aetorake mai aon te aba, ae kaanga te bubu man te ai ae korakora.

Taian Areru 58:10

Ane a na kakatonga aomata akana raoiroi n noriia akana buakaka ngkana a reke kaiia. Ane a na teboki waeia n raraaia akana buakaka.

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Ieremia 50:40

I urua Totom ma Komora ao kaawa nako ake i rarikiia, ao N na bon urua naba B'aburon ni kabanea raoi n ai aron naba anne. Bon akea temanna ae e na maiu ikekei.

Ieremia 50:46

E na ongo te aba karongoaan uruakakimi i buakoia botannaomata nako, ao e na ruru te aonnaba.

Ieremia 51:8

Ma e na rina ni b'aka B'aburon ao e na uruaki. Boni Ngai ae te UEA ae I tuangiia ianena ake a maeka ikekei ni kaangai, “Taang i bukin te kaawa! karekea te b'ainaoraki i bukin ikoakina; tao a na bae n raoiroi.”

Etekiera 27:35

A bane ni miimi aomata nako ake a maeka i mataniwiin taari n te rongorongo aei. A maaku aia taan tautaeka, ao e korobokiaki te maaku i aon ubuia.

Taniera 4:14

Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

1.Timoteo 5:11

Ma ko na tai korei araia ateiaine aika a mate buia i buakon araia aine aika a mate buia; b'a n te tai are e roko iai nanoia ae korakora ni kan iein, ao ane a na rairaki nako mairouni Kristo;

Te Kaotioti 14:11

Ao e aetorake n aki totoki bubun te ai are a b'ainikirinaki ni kamarakaki iai; ao akea motirawaia ni ngaina ao ni bong te koraki ake a taromauria te man ma te bouananti are katotongana, ao te koraki ake a anganaki kanikinaean arana.”

Te Kaotioti 17:2

are a wene ni bure ma ngaia uean aonnaba, ao are a manging i rouna kaain aonnaba ni wain n ana wene ni bure.”

Te Kaotioti 18:18

ao a takarua ngke a nora bubuni buena, ao a kaangai, “Bon akea te kaawa ae ai aron te kaawa ae kakannato arei”

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’

Te Kaotioti 19:3

A a manga kaangai riki, “Neboa te UEA! E aetorake bubuni bueen neierei n aki totoki.”

Te Kaotioti 2:22

Noria, N na kaaoraka neierei, ao uake a wene ni bure ma ngaia, N na karawawataia n te aro ae korakora, ngkana a aki rairi nanoia ni kitan aia m'akuri ake a karaoi ma neierei;