Te Kaotioti 18:5 - Te B'aib'ara

⁵ B'a a rota karawa ana bure, ao te Atua E aki m'aninga taekan ana bure.

Te Kaotioti 18:5 ပူးပေါင်းရင်းမြစ်များ

2.Rongorongo 28:9

E maeka Oteta i Tamaria ao temanna ngaia ana burabeti te UEA. E kaaitibo ma ana taanga ni buaka Iteraera ngke e oki rikaaki mai Iuta ao e taku nakoia: E katokanikaingkami te UEA i aoia kaain Iuta ti i bukina ngke e un irouia. Ma kam na aki karaoa ae e rangi ni buakaka nakoia!

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Iona 1:2

E taku, “Naako nako Ninewe are te kaawa are e rangi ni buubura, ao taetae n eekiianako; I noori aia m'akuri aika a rangi ni buakaka kaaina.”

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.