Te Kaotioti 18:3 - Te B'aib'ara

³ B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:3 ပူးပေါင်းရင်းမြစ်များ

Itaia 47:15

Bon aikai taan kaiwa aika kam a tia ni karaoa te m'akuri ni bitineti ma ngaiia ni kabane bongini maium. Ma a bon aki ataa te tabo ae a na nako iai, a aki konaa ni kamaiungkami.

Ieremia 51:34

Ane a na kaangai kaain Ierutarem, “E kabuai nanora te Uea ae Nebukaneta E kaonna te manikaakang are iroura ma kaub'aira, ao e katikuira n akea ara b'ai e kab'auta te b'ai are e tangiria ao e baawarea nako nikirana.

Ieremia 51:7

B'aburon bon Au m'angko te koora ae e kanoaaki ni wainin uniu. A na manging n te wain aei botannaomatan nako te aonnaba ao a na rangirang.

B'aeb'aeti 4:5

A mate i nuukan te kaawa aomata ngkoa ake a am'am'arake raraoi. A kakae kanaia i nanon turam aomata ngkoa ake a maiu ni kaub'ai.

Naum 3:4

E a katuaaeaki Ninewe ae ainen mataawa ae e kakab'akab'aka, ae e on n taian tabunea aika a kamaamate, ma ni kakaririia botannaomata nako ao n tautoroniia.

Ruka 7:25

Tera ngkanne are kam nako iai b'a kam na noria? Te aomata ae kunnikaina n te kunnikai ae maraurau? Noria, a mena n aia auti uea aika kunnikaia ni kunnikai aika tikiraoi, ao a am'arake raoi.

1.Timoteo 5:11

Ma ko na tai korei araia ateiaine aika a mate buia i buakon araia aine aika a mate buia; b'a n te tai are e roko iai nanoia ae korakora ni kan iein, ao ane a na rairaki nako mairouni Kristo;

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 17:2

are a wene ni bure ma ngaia uean aonnaba, ao are a manging i rouna kaain aonnaba ni wain n ana wene ni bure.”

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.