Te Kaotioti 18:20 - Te B'aib'ara

²⁰ Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 18:20 ပူးပေါင်းရင်းမြစ်များ

Taian Areru 107:42

A nora aio akana raoiroi ao a kukurei iai, Ma akea aia taeka iai akana buakaka.

Taian Areru 109:28

Aia b'ai te karereanti, ma am b'ai te kakab'aia. A bia konaaki aoia aiau, ngkana ana ewekai ao ngai ae am Toro, I bia kukurei!

Taian Areru 18:47

E katokanikaiai i aoia aiau; E kakiia botannaomata i aani m'akau,

Taian Areru 48:11

A na kakatonga kaain Tion! Ao a na kim'areirei kaain Iuta i bukin am Babaire aika eti.

Taian Areru 58:10

Ane a na kakatonga aomata akana raoiroi n noriia akana buakaka ngkana a reke kaiia. Ane a na teboki waeia n raraaia akana buakaka.

Taian Areru 94:1

Te UEA, ae te Atua ae am B'ai te kareke kai; Ko na kaota unim!

Taeka n Rabakau 11:10

Ngkana e kakab'aiaki te aomata ae e raoiroi, ao e mauna nako te aomata ae e buakaka, ao e karaoa ana baka ni kukurei te kaawa ae e b'anin.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Teb'ania 3:15

E a tia ni katoka oream te UEA; E a tia ni kanakoia am kairiribai. E a mena i buakomi te UEA ae aia uea Iteraera. Bon akea te b'ai ae ti na riai ni maaku iai.

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

I-Ebeto 3:5

are aki kaotaki nakoia natiia aomata n rooro ake ngkoangkoa, n ai arona ngkae e kaotaki ngkai iroun te Tamnei nakoia ana tia tuatua aika tabu ma ana burabeti aika tabu naba;

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

Te Tua-Kaua 32:42

A roko nanoia au kanoanikatebe n nimakin raraaia kairiribai; ao au kabaang e na katoong irikoia ma raraaia kairiribai. E na tiringiia buure, ma ni korei ni kanakoi atuuia aia taani kairiiri.

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

Iuta 1:17

Ngkami aika kam tangiraki, kam na uring taeka ake a atongaki rimoa irouia ana taan tuatua ara Uea are Iesu Kristo.

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.