Te Kaotioti 18:14 - Te B'aib'ara

¹⁴ A taetae taani bitineti ao a kaangai, “A a nako mai roum baika raraoi aika ko mamateakin ni maium, ao a bane ni bua mai roum kaub'aim ma tamaroam ae katika te mata, ao a bon aki manga reke i roum.”

Te Kaotioti 18:14 ပူးပေါင်းရင်းမြစ်များ

Taian Areru 106:14

Ma iai nanoia ae korakora ni kan am'arake i nanon te rereua, Ao a kataa te Atua iai.

Taian Areru 78:18

A aki manrerei ngke a kataa te Atua ngke a tua b'a e na karekeaki kanaia are a tangiria.

Warekaia Iteraera 11:34

Ao ngke a tia n taunaki rab'ataia koraki ake a rangi n nanonrang n te kuere, ao a arana te tabo arei b'a “Ruanimateia Nanonrang.”

Warekaia Iteraera 11:4

Ao n te tai teuana, ao a taonaki n te baki tabeman iruwa ake a maeka i buakoia Iteraera, ao bon Iteraera naba a tang ao a kaangai, “Ai bon akea tannara!

Mataio 11:8

Ao tera ngkanne bukin are kam nako iai? Kam na nora te aomata ae kunnikaia n te kunnikai ae tikiraoi? Noria, a mena n aia auti uea aomata aika kunnikaiia ni kunnikai aika tikiraoi.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.

1.I-Korinto 10:6

Ao baikai a riki b'a b'aai n reirei nako ira, b'a ti na aki rii iai, n ai aroia.

Iakobo 4:2

Kam tangiri b'aai, ao a aki reke iroumi; ma ngaia ae kam kamateia aomata. Kam bakantang, ao a aki kona n reke ami b'ai, ma ngaia ae kam un ao kam buaka. A aki reke ami b'ai b'a kioina ngkai kam aki bubuti.

Te Kaotioti 18:13

ma te tineman, ma te amomum, ma baika boiarara, ma muura, ma riibano, ma te wain, ma b'aan te oriwa, ma te buraawa ae karaoaki raoi man uita, ma uita aika tuai n riki ni buraawa, ma kaao, ma tiibu, ma aoti, ma kaa aika katikitikaki irouia aoti, ma tooro, ma taenikai.

Te Kaotioti 18:15

Taani bitineti, ake a reke kaub'aia mai rouna, a na tei mai kiraroa b'a a maku ni marakina, ao a na tang ma n tanginiwenei;