Te Kaotioti 18:13 - Te B'aib'ara

¹³ ma te tineman, ma te amomum, ma baika boiarara, ma muura, ma riibano, ma te wain, ma b'aan te oriwa, ma te buraawa ae karaoaki raoi man uita, ma uita aika tuai n riki ni buraawa, ma kaao, ma tiibu, ma aoti, ma kaa aika katikitikaki irouia aoti, ma tooro, ma taenikai.

Te Kaotioti 18:13 ပူးပေါင်းရင်းမြစ်များ

Etekiera 27:13

A iokinib'ai taian toro ao b'aai aika a karaoaki n te buraati kaain Kuriiti, kaain Tubara ao kaain Meketo,

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Neemia 5:8

ni kaangai, “Ti a tia ni kataia ni kabooia ni kaokiia ara aomata ake a kaboaki nako nakon te kataenikaiaki. Ma ngaia are ai ngkami aikai, aika kam a manga kabooi nako riki tabeman b'a ti aonga ni manga kabooia ni kaokiia!” Bon akea te b'ai ae a taekinna taiani mataniwi ao taani kairiiri, i bukina b'a a bon ataia b'a e bon koaua.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Te Tua-Kaua 24:7

Ngkana kam reke n te bure n iraea kaain Iteraera ma ni kam'akuria n te m'akuri n toronaki, ao kam na kamateaki b'a e aonga n nako te m'akuri ae buakaka aei man te bootaki ni Iteraera.

Te Otinako 21:16

Tuaan te aomata ae e iraea te aomata. Ngkana arona b'a kam kaboa nako te aomata are kam kimoaia, ke ngkana kam kawiaaki ma ngaia, kam na bon anganaki naba te tuua are te tiringaki.

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

Amota 8:6

Ti na kabooa nako te uita ae e buakaka n te boo ae e buubura. Ti na kakaea te aomata ae aki kona ni kab'araa baena, ae e aki koro naba boon a na kauniwae, ao ti na kabooa b'a ara toro.”

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Ana Anene Toromon 5:5

Ngke I teirake b'a N na kauka te mataroa, ao e a waawaanako te boiarara mani baiu ao tabonibaiu.

Taeka n Rabakau 7:17

Ao I a tia ni kaboiararai ni boiarara aika a karaoaki man te muura te aroe, ao te tineman.

2.Rongorongo 9:9

Ao e angan Toromon e kaaniia e raka i aon aua te ngaa te kirokuraem te koora, ao taian tirewa ae e rangi ni m'aiti, ao taiani b'ai ni kaboiarara aika a rangi n raraoi aika a tuai man nooraki.

1.Uea 10:25

A roroko aomata nako ni kakawaria n te ririki teuana ma teuana ma uotaia aia b'aintangira aika tirewa, koora ao ai uana naba ma kunnikai, b'aai ni buaka, baika a boiarara, taian aoti ke miure.

1.Uea 10:15

Ao e anganganaki naba ana koora irouia taani boob'ai ao ai uana naba ma uean Arabia ao taan tautaeka i aon Iteraera.

1.Uea 10:10

Ao e angan Toromon e kaaniia nimaua te tan te koora, b'aai ni katamaroa, ao b'aai aika boiarara aika a bati nakon ae a tia n anga tem'angina nakon Iteraera, ueanainen Tieba.

Te Tua-Kaua 28:68

I tuangngkami ngkoa b'a kam na aki okira Aikubita. Ma ngkai, E na kanoai taiani kaibuke iroumi te UEA, ao E na kaokingkami rikaaki nako ikekei. Ao i mwiina, ane kam na kakaaea angan kaboakimi nako b'a tooro, ma ane a na akea ae e na kani kabooingkami.

Ana Anene Toromon 1:3

ao ko rangi ni boiarara. A bane ataeinaine n tataaniko; kaanga ai aron kianakon te boiarara tataekinan aram.

1.Rongorongo 5:21

A reke irouia barongan Iteraera aikai 50,000 taiani kaamero, 250,000 taian tiibu, 2,000 taian aati, ao 100,000 te aomata.

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Te Kaotioti 18:14

A taetae taani bitineti ao a kaangai, “A a nako mai roum baika raraoi aika ko mamateakin ni maium, ao a bane ni bua mai roum kaub'aim ma tamaroam ae katika te mata, ao a bon aki manga reke i roum.”

Te Kaotioti 18:15

Taani bitineti, ake a reke kaub'aia mai rouna, a na tei mai kiraroa b'a a maku ni marakina, ao a na tang ma n tanginiwenei;