Te Kaotioti 18:11 - Te B'aib'ara

¹¹ Ao a tang man tanginiwenei taani bitineti i bukina, b'a ai akea temanna ae na manga kabooi aia kaako mai rouia,

Te Kaotioti 18:11 ပူးပေါင်းရင်းမြစ်များ

Taeka n Rabakau 3:14

E kakaawaki riki te wanawana nakon te tirewa; e na kakorakoraa kaub'aim riki nakon te koora.

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 47:15

Bon aikai taan kaiwa aika kam a tia ni karaoa te m'akuri ni bitineti ma ngaiia ni kabane bongini maium. Ma a bon aki ataa te tabo ae a na nako iai, a aki konaa ni kamaiungkami.

Etekiera 27:9

A karaoa te onob'ai mm'aanen Keeb'ara aika a rabakau. A bane kaimoa man taabo nako ni boob'ai n am titoa nako ake n am matabaiawa.

Teb'ania 1:11

Kam na mangoo n tang ngkana kam ongo te baei ngkami aika kam maeka n iteran te kaawa are i nano, i bukina b'a ana bane ni mate ami taan boob'ai!

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Mataio 22:5

Ma a aki kan tabe ma te kakao aomata ake a kaoaki; iai ane nako n abana, ao ane nako n ana bitineti;

Ioane 2:16

E taku nakoia taani kabo bitin, “Uoti nako baikai maikai; kam na aki karaoa ana auti Tamau b'a te tabo ni kabob'ai!”

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Te Kaotioti 18:15

Taani bitineti, ake a reke kaub'aia mai rouna, a na tei mai kiraroa b'a a maku ni marakina, ao a na tang ma n tanginiwenei;

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.